ATER

[Gisirhan; Gibabagan].

1. Usa ka tawo sa Israel, nga 98 sa iyang mga anak o mga kaliwat namalik gikan sa pagkadestiyero sa Babilonya kauban ni Zorobabel niadtong 537 W.K.P. (Esd 2:​1, 2, 16; Neh 7:21) Sila gitala nga ingon niini: “Ang mga anak ni Ater, ni Ezequias, kasiyamag-walo,” nga lagmit nagpakita nga sila maoy mga kaliwat ni Ater nga kaliwat sa usa ka Ezequias (apan lagmit dili ang hari sa Juda nga sama ug ngalan), o nga sila maoy mga kaliwat ni Ater pinaagi sa usa ka Ezequias. Lagmit nga usa ka kaliwat niini nga Ater nga usa sa mga pangulo sa katawhan ang nagpamatuod pinaagig timbre sa “kasaligang kontrata” sa adlaw ni Nehemias.​—Neh 9:38; 10:​1, 17.

2. Usa ka pangulo sa banay kansang mga kaliwat maoy lakip sa Levihanong “mga anak sa mga magbalantay-sa-ganghaan” sa templo nga mibalik gikan sa Babilonya ngadto sa Jerusalem kauban ni Zorobabel.​—Esd 2:42; Neh 7:45.