MALUK

[gikan sa lintunganayng pulong nga nagkahulogang “nagmando ingong hari”; o, “hari”].

1. Usa ka Merarihanong Levihanon ug katigulangan sa Levihanong mag-aawit nga si Etan.​—1Cr 6:44-47.

2. Usa sa mga saserdote nga miuban kang Zorobabel sa dihang ang mga Hudiyo namalik gikan sa pagkadestiyero sa Babilonya.​—Neh 12:​1, 2, 7.

3. Usa ka Israelinhon “sa mga anak ni Bani” nga lakip niadtong mikuhag langyawng mga asawa apan nagpapahawa kanila sa mga adlaw ni Esdras.​—Esd 10:​29, 44.

4. Usa ka Israelinhon “sa mga anak ni Harim” nga lakip niadtong mikuhag langyawng mga asawa apan nagpapahawa kanila sa panahon ni Esdras.​—Esd 10:​31, 32, 44.

5. Usa sa mga saserdote, o katigulangan sa usa ka saserdote, nga nagpamatuod pinaagi sa timbre sa “kasaligan nga kontrata” nga gihimo sa adlaw ni Nehemias.​—Neh 9:38–​10:4.

6. Usa ka Israelinhon, usa sa mga pangulo sa katawhan, kansang kaliwat, kon dili man siya mismo, nagpamatuod sa “kasaligang kontrata” nga gihimo sa panahon ni Nehemias.​—Neh 9:38; 10:​1, 14, 27.