KOMPAS

Usa ka instrumento nga gamiton sa usa ka panday o laing artesano sa pagmarka o sa pagporma ug usa ka lingin o arko diha sa kahoy o sa ubang matang sa materyales. Ang kompas gihisgotan lamang sa Bibliya diha sa Isaias 44:13. Niini nga teksto ang idolatrosong maglililok sa kahoy giingon nga migamit ug pising igsusukod, pulang tisas, ug usa ka tigib aron sa pagporma ug usa ka idolo. Ug “pinaagi sa kompas siya nagpadayon sa pagbadlis niini [dayag aron sa pagseguro nga maayo ang proporsiyon niini], ug sa inanay siya naghimo niini nga larawan sa usa ka tawo, sama sa katahom sa tawo, aron palingkoron sa usa ka balay.” Ang Hebreohanong pulong alang sa “kompas” (mechu·ghahʹ) maoy kaamgid sa chugh (lingin).​—Pr 8:27; Isa 40:22.