HALAK, BUKID SA

[Hawan nga Bukid].

Usa ka bukid nga nagsilbing timaan sa habagatan ingong utlanan sa pagpanakop sa Israel sa Yutang Saad ilalom sa pagpangulo ni Josue. (Jos 11:​16, 17; 12:7) Gituohan sa kadaghanan nga ang Halak mao ang Jebel Halaq (Har He-Halaq), ang kataposang tayuktok sa K sa Palestina nga duol sa dalan gikan sa Beer-seba paingon sa Araba. Ang kabukiran nga nagsukad sa Jebel Halaq nag-ulang sa sibsibanan sa S gikan sa balasong desyerto sa K. Kon husto kini, nan ang paghubit sa Bibliya bahin sa Halak nga “paingon” o ‘patungas’ sa Seir mahimong magkahulogan nga ang lapad nga bahin niining bukira, nga nagsukad sa HK hangtod sa AS, nag-atubang sa Seir.