HORONHON

[Taga- (Iya sa) Bet-horon o Horonaim].

Usa ka ngalan nga nagtumong kang Sanbalat, usa sa mga tawo nga misupak sa buluhaton ni Nehemias. (Neh 2:​10, 19) Ang pipila ka eskolar naghunahuna nga si Sanbalat lagmit naggikan sa Moabihanong siyudad sa Horonaim (Isa 15:5; Jer 48:3) ug, sa pagpaluyo niini, sila nagpunting nga siya gihisgotan uban kang Tobias nga Ammonhanon ug kang Gesem nga Arabiano. Apan ang panglantaw nga giuyonan sa kadaghanan mao nga ang “Horonhon” lagmit nagkahulogang usa ka lumad, o molupyo, sa Bet-horon. Ang Ibabaw ug Ubos nga Bet-horon nahimutang sa teritoryo nga sa sinugdan gipahat ngadto sa tribo ni Epraim.​—Jos 16:​1, 3, 5.