KADMIEL

[Moatubang ang Diyos; Ang Diyos Moadto sa Atubangan].

Usa ka Levihanon nga mibalik sa Jerusalem (uban kang Zorobabel) nga gikuyogan sa mga membro sa iyang banay. (Esd 2:​1, 2, 40; Neh 7:​6, 7, 43; 12:​1, 8, 24) Si Kadmiel ug ang iyang mga anak nga lalaki mitabang sa pagdumala sa pagtukod pag-usab sa templo.​—Esd 3:9.

Ang yugto sa panahon tali sa pagbalik gikan sa pagkadestiyero sa Babilonya (537 W.K.P.) ug sa pagsugid sa mga sala sa nasod batok kang Jehova sa adlaw ni Nehemias (455 W.K.P.), nga gisundan sa pagpamatuod pinaagig timbre sa “kasaligang kontrata” (Neh 9:​4, 5, 38; 10:​1, 9, 10), dili mohaom nga ilangkit kini nga Kadmiel sa tanan niini nga mga panghitabo. Walay duhaduha nga usa ka hawas sa balay o banay ni Kadmiel ang nalangkit niining ulahing duha ka hitabo.