MADON

[gikan sa lintunganayng berbo nga nagkahulogang “paghukom”].

Usa ka harianong siyudad sa Canaan nga nakig-alyansa sa Hazor batok sa mga Israelinhon ug human niadto napildi. (Jos 11:1-12; 12:19) Ang Madon sagad gituohan nga mao ang Qarn Hattin (Horvat Qarne Hittim), mga 8 km (5 mi) sa KAK sa Tiberias. Ang Khirbet Madin, mga 1 km (0.6 mi) sa H, daw mao ang nagpreserbar sa karaang ngalan niini. Ugaling, ang pipila nagkuwestiyon niini sanglit kini gipasukad lamang sa ideya nga ang ngalang Madin nga nahimutang sa duol niini kaamgid sa Biblikanhong ngalan nga Madon.