MIJAMIN

[Gikan sa Tuong Kamot].

1. Kaliwat ni Aaron nga gipili pinaagig ripa aron mangulo sa ikaunom nga dibisyon sa pag-alagad ingong mga saserdote sa adlaw ni Haring David.​—1Cr 24:​1, 3, 5, 9.

2. Usa sa mga pangulo sa mga saserdote nga namalik gikan sa Babilonya kauban ni Zorobabel. (Neh 12:​1, 5, 7) Siya lagmit ang nagpundar sa balay sa amahan ni Miniamin nga gihisgotan sa Nehemias 12:17 (diin ang ngalan sa pangulo sa maong balay mopatim-awng natangtang nga wala tuyoa sa magkokopya sa Hebreohanong teksto).

3. Usa sa “mga anak ni Paros” nga nagpapahawa sa langyawng “mga asawa uban sa mga anak” ingon sa gitambag ni Esdras.​—Esd 10:​25, 44.

4. Usa ka saserdote (o lagmit ang katigulangan sa usa ka saserdote) nga gitalang lakip niadtong nagpamatuod pinaagig timbre sa “kasaligang kontrata” sa panahon ni Nehemias. (Neh 9:38; 10:​1, 7, 8) Siya daw mao ra si Miniamin sa Nehemias 12:41.

Sa Hebreohanon, ang Mijamin daw usa ka laing porma sa ngalang Miniamin.