REZON

[lagmit, Hataas nga Opisyal].

Usa ka magsusukol ni Haring Solomon. Kining anak nga lalaki ni Eliada nag-alagad kang Hadadezer nga hari sa Zoba, nga gikan kaniya giilog ni David ang Damasco. Apan gibiyaan ni Rezon si Hadadezer ug giorganisar niya ang usa ka pundok sa mga bandido. Sa wala ibutyag nga panahon si Rezon naghari sa Sirya gikan sa Damasco, ug ilabina sukad sa panahon sa pag-apostata ni Solomon hangtod sa kataposan sa iyang paghari, si Rezon nagpahungaw sa iyang kasilag sa Israel. (1Ha 11:23-25; 1Cr 18:​3-6) Kon siya mao ang tawo nga gitawag ug Hezion sa 1 Hari 15:​18, ingon sa gituohan sa pipila, nan siya mao ang magtutukod sa Siryanhong dinastiya nga sa makadaghang higayon nakiglabot sa Israel.