Unsay Kaugmaon sa Atong mga Batan-on?

ANG nukleyar nga hulga​—kon kaha gikan sa mga bomba sa mga terorista o gikan sa mga aksidente sa nukleyar nga mga planta​—naghulga sa tanan. Mahimong mabalaka ka ilabina sa mga bata, apil ang imong mga anak o mga apo mismo. Pagkamakapasubo ang pagkaamgo nga ang nukleyar nga hulga magpameligro sa panglawas ug kaugmaon ni bisan kinsang bata.

Apan ayaw kabugnaw. Adunay katarongan nga ikaw magmalaomon bahin sa kaugmaon sa mga bata. Ang pasikaranan sa paglaom nahasentro, dili sa paningkamot sa tawo sa pagpanalipod sa atong mga batan-on, kondili sa usa ka kaugmaon nga nahimutang sa mga kamot sa atong Maglalalang.

Sa dihang ang Anak sa Diyos, si Jesus, nagtudlo sa Tungang Sidlakan, iyang gipasundayag ang kabalaka alang sa mga bata. (Marcos 9:36, 37, 42; 10:13-16) Ang Bibliya nagpakita nga ang susamang kabalaka ibanaag sa dihang sa kataposan wagtangon na sa Diyos ang nukleyar nga hulga ug tukoron ang tibuok-yutang paraiso. Ang atong mga bata makapahimulos usab niana, ug ikaw usab.

Kon gusto mo ang dugang impormasyon o buot nimong may moduaw aron sa pagdumalag libreng pagtuon sa Bibliya sa balay uban kanimo, palihog pagsulat sa Watch Tower, P.O. Box 2044, 1099 Manila, o sa nahiangay nga direksiyon nga nalista sa panid 2.