Watchtower ONLINE NGA LIBRARYA
Watchtower
ONLINE NGA LIBRARYA
Cebuano
  • BIBLIYA
  • PUBLIKASYON
  • MGA TIGOM
  • w12 1/1 p. 5-6
  • Si Abraham—Tawo sa Pagtuo

Walay video nga available.

Sorry, dunay problema sa pag-load sa video

  • Si Abraham—Tawo sa Pagtuo
  • Ang Bantayanang Torre Nagapahayag sa Gingharian ni Jehova—2012
  • Susamang Materyal
  • Kinsa si Abraham?
    Ang Bantayanang Torre Nagapahayag sa Gingharian ni Jehova—2012
  • Si Jehova Nagtawag Kaniya nga “Akong Higala”
    Ang Bantayanang Torre Nagapahayag sa Gingharian ni Jehova (Tun-anan)—2016
  • Ang Diyos Misulay sa Pagtuo ni Abraham
    Akong Basahon sa mga Estorya sa Bibliya
  • Si Abraham ug Sara Misunod sa Diyos
    Mga Leksiyon Gikan sa Bibliya
Uban Pa
Ang Bantayanang Torre Nagapahayag sa Gingharian ni Jehova—2012
w12 1/1 p. 5-6

Si Abraham—Tawo sa Pagtuo

Si Abraham nagtindog sa gawas sa kahilom sa kagabhion. Samtang gisud-ong niya ang hayag, daghag-bituon nga kalangitan, mahinumdoman gyod niya ang saad sa Diyos nga ang iyang kaliwat mahimong sama kadaghan sa kabituonan. (Genesis 15:5) Alang kang Abraham, ang mga bituon maoy makitang pahinumdom sa saad ni Jehova. Kana usab maoy garantiya. Aw, kon si Jehova nakalalang sa halapad nga uniberso ug sa tanang butang niana, dili ba usab niya mapahinabo nga si Abraham ug Sara manganak? Ingon niana ang pagtuo ni Abraham.

UNSA ANG PAGTUO? Sumala sa Bibliya, ang “pagtuo” nagtumong sa hugot nga pagsalig sa mga butang nga dili makita pinasukad sa lig-ong ebidensiya. Ang tawo nga nagtuo sa Diyos nagsentro sa iyang pagtagad sa katumanan sa mga saad ni Jehova, nga masaligon nga daw natuman na kana.

GIUNSA PAGPAKITA NI ABRAHAM ANG PAGTUO? Gipasundayag ni Abraham nga siya nagtuo sa mga saad sa Diyos. Tungod sa pagtuo, si Abraham mibiya sa iyang yutang natawhan, nga masaligong si Jehova motuman sa Iyang saad nga ipakita kaniya ang lahi nga yuta. Sa pagtuo, siya naglatagaw sa Canaan, nga masaligong sa ngadtongadto mapanag-iya kana sa iyang kaliwat. Ug sa pagtuo, masinugtanong gihalad ni Abraham si Isaac, nga masaligong banhawon kini ni Jehova kon gikinahanglan.—Hebreohanon 11:8, 9, 17-19.

Gisentro ni Abraham ang iyang pagtagad sa umaabot inay sa nangagi. Bisag mas komportable tingali ang kinabuhi ni Abraham ug Sara didto sa Ur kay sa Canaan, “wala na sila maghunahuna sa nasod nga ilang gibiyaan.” (Hebreohanon 11:15, Maayong Balita Biblia) Hinunoa, naghunahuna sila kon sa unsang paagi ang Diyos magapanalangin kanila ug sa ilang mga kaliwat.—Hebreohanon 11:16.

May pasukaranan ba ang pagtuo ni Abraham? Oo. Gituman ni Jehova ang tanan niyang saad. Sa ngadtongadto, ang kaliwat ni Abraham nahimong nasod sa Israel. Sa kadugayan, ang mga Israelitas namuyo sa Canaan, ang mismong yuta nga gisaad ni Jehova kang Abraham.—Josue 11:23.

UNSAY MGA LEKSIYON NIINI KANATO? Kita makasalig nga si Jehova motuman sa iyang mga saad. Bisag ang pipila niana daw imposible sa panglantaw sa tawo, kita makasalig nga “sa Diyos ang tanang butang posible.”—Mateo 19:26.

Ang panig-ingnan ni Abraham nagtudlo usab kanato sa pagsentro sa atong pagtagad, dili sa mga nahitabo sa nangagi, kondili sa atong matagamtam sa umaabot. Kanay nakat-onan sa usa ka lalaking ginganlag Jason. Siya nag-antos sa sakit nga bug-os nakaparalisar niya. “Tinuod nga may mga panahong maghunahuna ko sa nangagi,” miingon si Jason. Siya midugang: “Labaw nakong gikamingawan ang ginagmayng mga butang, sama sa paghalog sa akong asawa, si Amanda.”

Bisan pa niana, hugot ang pagtuo ni Jason nga tumanon ni Jehova ang iyang mga saad, lakip na ang saad nga sa dili madugay ang yuta himoong paraiso ug ang matinumanong katawhan mabuhi sa walay kataposan sa hingpit nga panglawas.a (Salmo 37:10, 11, 29; Isaias 35:5, 6; Pinadayag 21:3, 4) “Akong pahinumdoman ang akong kaugalingon nga ang kinamaayohang kinabuhi anaa pa sa umaabot,” miingon si Jason, nga nagpatin-aw: “Sa dili madugay, mawagtang na sa dayon kining tanan—ang tensiyon, kabalaka, kaguol, ug kahasol sa tanlag.” Pagkamaayong panig-ingnan kana sa pagtuo nga sama kang Abraham!

[Footnote]

a Aron makakat-og dugang bahin sa umaabot nga paraisong yuta, tan-awa ang kapitulo 3, 7, ug 8 sa librong Unsay Tinuod nga Gitudlo sa Bibliya? nga gipatik sa mga Saksi ni Jehova.

    Cebuano Publications (1983-2025)
    Log Out
    Log In
    • Cebuano
    • Ipasa
    • Setting
    • Copyright © 2025 Watch Tower Bible and Tract Society of Pennsylvania
    • Kondisyones sa Paggamit
    • Polisa sa Pribasiya
    • Mga Setting sa Pribasiya
    • JW.ORG
    • Log In
    Ipasa