TUN-ANANG EDISYON

Atong maugmad ug mahuptan ang pagkamapasalamaton pinaagi sa pagpamalandong sa atong mga panalangin ug pagpasalamat kang Jehova tungod niini. Ang maong hiyas motabang kanato sa paglikay sa pagkadili-mapasalamaton ug sa pagsagubang sa mga pagsulay. Ang atong tinuig nga teksto sa 2015 magpahinumdom kanato niini sa tibuok tuig.

Ipatin-aw niining artikuloha kon nganong angay natong handomon ang kamatayon ni Jesus. Isaysay niini kon unsay girepresentahan sa tinapay ug bino sa Memoryal. Ipakita usab niini kon sa unsang paagi ang usa mahibalo kon siya takos ba o dili nga makig-ambit sa mga emblema. Pinaagi niini nga pagtuon, atong mahibaloan kon sa unsang paagi kita makapangandam sa Panihapon sa Ginoo.

Ang mga magtiayon nakigbisog sa nagkadaghang pagpit-os ug tentasyon. Apan sa tabang ni Jehova posibleng mabatonan ang lig-on ug malipayong kaminyoon. Ang unang artikulo maghisgot sa lima ka espirituwal nga bloke o pamaagi aron makatukod ug lig-on ug malungtarong kaminyoon. Maghisgot usab kini sa “semento” nga magdugtong sa maong mga bloke. Ang ikaduhang artikulo maghisgot kon sa unsang paagi mapalig-on ang espirituwal nga depensa sa kaminyoon.

Unsa ang tinuod nga gugma tali sa lalaki ug babaye? Posible ba ang malungtarong gugma? Sa unsang paagi ipasundayag ang maong gugma? Sayra kon unsay gitudlo sa Awit ni Solomon bahin sa gugmang way paglubad.