TUN-ANANG MGA ARTIKULO

Sa linibo ka katuigan, si Jehova nakigkomunikar sa iyang mga alagad gamit ang lainlaing pinulongan. Hisgotan niining mga artikuloha nga ang paggamit niyag lainlaing pinulongan dili makababag sa iyang pagpakigkomunikar sa tawo. Hisgotan sab nato kon nganong ang New World Translation, apil na ang 2013 nga rebisyon, nakatabag dako sa pagbalaan sa ngalan sa Diyos ug sa pagpahibalo sa iyang kabubut-on.

Ang katakos sa pagsulti maoy kahibulongang regalo gikan sa Diyos. Hisgotan niining artikuloha ang tulo ka butang nga angayng tagdon una mosulti. Magdasig sab kini kanato sa pagsundog sa ehemplo ni Jesus sa paggamit sa maong katakos sa pagpasidungog sa Diyos ug sa ikaayo sa uban.

Kitang tanan masakit. Busa unsaon nato paglantaw ang pagpang-ayo nga narekord sa Bibliya? Unsay angay natong konsiderahon dihang may mosugyot bahin sa panglawas? Kining artikuloha motabang nato sa pagtubag niining mga pangutanaha ug sa paghimog personal nga mga desisyon.