Dihang Mobati Ka nga Dili Na Nimo Kaya

MALIPAYON ang kinabuhi kon walay mga problema. Pero komosta kon naay mga hitabo nga makapalisod kaayo sa imong kinabuhi?

Pananglitan si Sally,a nga taga-United States ug nawad-an sa halos tanan niyang kabtangan tungod sa bagyo, miingon: “Morag dili na nako kaya ang stress ug kaguol nga akong gibati. Daghang adlaw nga kasurenderon na ko.”

Komosta kon namatyan kag minahal? Si Janice nga taga-Australia miingon: “Dihang namatay ang akong duha ka anak nga lalaki, kinahanglang maningkamot ko nga tukoron pag-usab ang akong nahugno nga kinabuhi. Mihangyo ko sa Diyos: ‘Palihog, dili na nako ni kaya! Pasagdi na lang kong mamatay. Dili na ko gustong mabuhi.’”

Sakit pod kaayo dihang magluib ang kapikas. Kanay gibati ni Daniel. Siya miingon: “Pagtug-an sa akong asawa nga nagluib siya, morag gidunggab ang akong kasingkasing. Magbalikbalik ang kasakit nga akong gibati. Daghang bulan nako ning giantos.”

Kini nga isyu sa Bantayanang Torre maghisgot kon nganong may pulos pang mabuhi bisan pa sa

Kalamidad
Kamatayon sa minahal
Pagluib sa kapikas
Grabeng sakit
Pagbati nga dili na nimo kaya

Busa dihang may kalamidad, unsay makatabang nato sa pagsagubang niini?

a Ang ubang ngalan niini nga serye sa mga artikulo giilisan.