Mga Tigom nga Motabang Nato sa Paghimog Tinun-an
MATIKDI: Kami nag-eskedyol ug tigom sa pag-alagad alang sa matag semana niini nga Atong Ministeryo sa Gingharian. Ang mga kongregasyon magahimog mga pagpasibo segon sa gikinahanglan para makatambong sa distritong kombensiyon ug dayon alang sa 30-minutos nga pagsubli sa dagkong puntos sa programa diha sa Tigom sa Pag-alagad sa sunod nga semana. Ang matag-adlaw nga repaso mahimong itudlong abante ngadto sa duha o tulo ka takos nga mga igsoong lalaki.
SEMANA SA DISYEMBRE 5-11
10 min: Piniling Mga Pahibalo gikan sa Atong Ministeryo sa Gingharian ug lokal nga mga pahibalo. Subliang mga presentasyon sa magasin alang sa Sabado. Agdahang mga ulo sa pamilya sa pagsangyaw uban sa asawa ug mga anak.
20 min: “Tabangi ang mga Bata sa Pagdayeg Kang Jehova.” Pangutanag tubag. Ipasundayag kon sa unsang paagi ang usa ka amahan makabulig sa usa ka bata sa pag-andam sa kinabag-ohang Ulohan nga Mahisgotan ug isumpay kana sa tanyag nga librong Estorya sa Bibliya.
15 min: “Pagsangyaw Ingong Pamilya Sulod sa Disyembre.” Pangutanag tubag. Hisgotan sa sumbanang pamilya ang mga kalaoman sa mauswagong pag-alagad ingong banay sa Disyembre ug kon sa unsang paagi sila makahimog usa ka eskedyol alang sa pagsangyaw. Tiklopi uban sa pagpalig-on alang sa tanan nga takos moambit sa pag-alagad sa kanataran.
Awit 126 ug paniklop nga pag-ampo.
SEMANA SA DISYEMBRE 12-18
10 min: Lokal nga mga pahibalo. Taho sa kuwenta. Pahibaloa ang kongregasyon sa bisan unsang amot balos-pasalamat nga nadawat gikan sa Sosyedad. Dasigang tanang moambit sa pag-alagad sa kanataran ug pahinumdomi ang tanan nga moreport sa ilang mga binuhatan sa kanataran sa Disyembre.
20 min: Kon sa Unsang Paagi ang Pagtambong sa mga Kombensiyon sa Katuigang Nangagi Nakapalig-on sa Akong Pagtuo. Interbiyuha ang pipila sa mas bansay ug mapabilhong mga magmamantala, nga nagapasulti kanila sa ilang mga eksperiyensiya sa pagtambong sa mga kombensiyon ug ang kaayohan nga nakuha. Mahimong konsultahon usab ang Watch Tower Publications Index para sa tukmang makapadasig nga mga eksperiyensiya.
15 min: “Pagkuhag Kaayohan Gikan sa Pagkamasinundanon sa Balaang Pahimangno.” Panaghisgot sa pamilya nga nagapasiugda sa positibong mga reaksiyon sa unang espesyal adlawng asembliya nga programa ug ang pagpaabot alang sa bag-ong programa. Pahinumdomi ang mga igsoon sa sunod espesyal adlawng asembliya alang sa lokal nga kongregasyon kon kini ugaling napahibalo na.
Awit 92 ug paniklop nga pag-ampo.
SEMANA SA DISYEMBRE 19-25
10 min: Lokal nga mga pahibalo. Teokratikanhong mga Balita. Pahinumdomi ang tanan alang sa pagmagasin. Piliang mga artikulong makadani sa lokal, ug gamita aron ipasundayag ang mga magmamantala nga mahimong sumbanan sa taktiko ug pagkapositibo.
20 min: “Pagtanyag sa Maayong Balita—Ngadto sa mga Bata.” Pangutana-tubag nga panaghisgot. Human sa parapo 5, ipasundayag sa takos nga magmamantala ang Ulohan nga Mahisgotan nga nagapahiuyon niana sa dihang nagapakigsulti sa usa ka batan-on. Sa unsang paagi itanyag ang basahon? Sa unsang paagi taposon ang panaghisgot nga walay gitanyag nga basahon?
15 min: Mga Batan-on Nagadayeg Kang Jehova. Interbiyuha ang usa o duha ka hamtong nga mga magmamantala kinsa misugod sa pag-alagad kang Jehova sulod sa bata pa gayong katuigan. Sa unsang paagi ang nakapahinungod ug nabawtismohan nga batan-on pa nakatabang kanila sa pagsagubang sa mga gumonhap samtang nagatubo? Usab, interbiyuha ang usa o duha nga sumbanang batan-ong mga magmamantala kinsa nakahimog maayong pamatuod sa eskuwelahan o kinsa epektibo diha sa ganghaan-ngadto-ganghaang ministeryo. Ngano nga sila epektibo? Unsang papel ang gidula sa mga ginikanan ug ubang mga hamtong diha sa kongregasyon sa ilang progreso? Ang Kristohanong mga ginikanan buot nga mopalig-on sa ilang mga anak sa mauswagong paghago ngadto sa pahinungod ug bawtismo.
Awit 15 ug paniklop nga pag-ampo.
SEMANA SA DIS. 26–ENERO 1
10 min: Lokal nga mga pahibalo. Ipasundayag ang presentasyon sa mga magasin nga tinagik diha sa hunahuna ang panahong piyesta opisyal.
20 min: Pag-edukar sa Atong Dila sa Pagtabang sa Naluya. Daghang butang daw makapaluya sa mga tawo karon: mga sulirang ekonomiko, pagkawala sa mga hinigugma sa kamatayon, sakit, espirituwal nga mga gumonhap, ug uban pa. Ang pagpadaog sa kaluya magpahimo kanatong mas daling madutlan sa mga atake ni Satanas. (Prov. 24:10; itandi ang Lucas 22:31.) Ang mga Kristohanon ubos sa obligasyon sa paglig-onay ug pagsuportahay sa usag usa. (1 Tes. 5:14; Gal. 6:2) Sa unsang paagi? Pinaagig pagkamaluloy-on. (Roma 12:15) Pinaagig pagkaandam nga mosanong diha sa mapuslanong mga paagi. (Sant. 2:14-17; rs pp. 117-21 o pp. 313-17 sa Cebuano) Ginamit ang basahong Nangatarongan, pakomentoha ang tigpaminaw kon unsang mga teksto ang mahimong magamit sa pag-abag sa mga tawo diha sa kongregasyon ug kanataran maylabot sa tinong mga suliran nga gilaraw. Magmasuod kang Jehova, pangayoa ang tabang sa mga ansiyano, ug magmalahutayon sa pag-ampo, nga sa ingon nagapakigbugno nga malamposon sa pagkaluya.—Sant. 4:8; Isa. 32:1, 2; Efe. 6:17, 18.
15 min: “Hupti ang Positibong Tinamdan.” Pakigpulong gipasukad sa artikulo sa Hunyo 1, 1986, Bantayanang Torre, mga panid 28-30. Paghimog kapadapatan ngadto sa lokal nga mga kahimtang, sama sa pagkadimatinagdanon sa mga tawo ug kanunayng nakobrehan nga teritoryo.
Awit 4 ug paniklop nga pag-ampo.
SEMANA SA ENERO 2-8
15 min: Lokal nga mga pahibalo. Dasigang tanang moambit sa pag-alagad sa kanataran. Subliang tanyag sa basahon sa Enero ug himoon ang mubong pasundayag. Ipasiugda ang tinong mga puntos gikan sa basahong igatanyag.
30 min: Pagsubli sa Distritong Kombensiyong Programa. (Tan-awang NOTA sa ibabaw sa panid kon sa unsang paagi kini andamon ug dumalahon.)
Awit 12 ug paniklop nga pag-ampo.