Mga Tigom nga Motabang Nato sa Paghimog Tinun-an
SEMANA SA HUNYO 6-12
10 min: Lokal nga mga pahibalo ug Mga Pahibalo sa Atong Ministeryo sa Gingharian.
18 min: “Pagtanyag sa Maayong Balita—Uban ang Kalipay.” Tagdon sa pangutanag tubag. Mahitungod sa parapo 3, ipasundayag sa hamtong nga magmamantala ang pagtabang sa bag-ohan sa pagpangandam sa presentasyon, nga nagagamit sa Ulohan nga Mahisgotan ug basahong Nangatarongan.
17 min: “Magmasiboton sa Putling Pagsimba.” Hisgotan ang artikulo sa pangutanag tubag. Sa pagtagad sa mga parapo 3 ug 4, ipasundayag ang paggamit sa kinabag-ohang Ulohan nga Mahisgotan uban sa tanyag sa basahon.
Awit 16 ug paniklop nga pag-ampo.
SEMANA SA HUNYO 13-19
10 min: Lokal nga mga pahibalo ug taho sa kuwenta. Ilakip ang pulong sa apresasyon alang sa suportar sa panalapi sa kongregasyon. Basahang bisan unsang balos-pasalamat sa mga amot nga gipadala ngadto sa Sosyedad.
20 min: “Tudloi ang mga Ginatun-an kon Unsaon sa Paggamit sa Bibliya.” Panaghisgot sa mamiminaw. Human matagad ang parapo 4, himoon ang mubong demonstrasyon uban sa magmamantala nga nagabulig sa estudyante sa Bibliya sa pagpangitag mga teksto. Dad-a ngadto sa talaan sa mga basahon sa Bibliya ug ipatin-aw ang paagi sa pagpangita niana. Ipakita kaniya kon hain magsugod ug matapos ang Hebreohanon ug Gregong Kasulatan ug kon giunsa sa pagbahin ang mga basahon sa Bibliya ngadto sa mga kapitulo ug mga bersikulo. Ipatin-aw usab ang paggamit sa indese sa New World Translation Bible.
15 min: “Mga Batan-on Nangutana—Kristohanong mga Tigom—Nganong Motambong Niana?” Pakigpulong gipasukad sa artikulo sa mga panid 19-21 sa Hunyo 8, 1988 nga Pagmata!
Awit 118 ug paniklop nga pag-ampo.
SEMANA SA HUNYO 20-26
10 min: Lokal nga mga pahibalo ug Teokratikanhong mga Balita.
20 min: “Tabangi ang mga Anak sa Pagkuhag Mas Pang Kaayohan Gikan sa mga Tigom.” Kobrehan ang artikulo sa pangutanag tubag. Ilakip ang interbiyu uban sa mga bata. Unsa man ang ilang nakat-onan gikan sa mga miting o sa ilang personal nga pagtuon? Unsang mga kasinatian nga ilang nabatonan diha sa kanataran? Ipakitang kabililhon sa pagdala sa mga anak ngadto sa mga tigom ug sa pagtuon uban kanila maingon man sa pagkuyog kanila sa kanataran.
15 min: “Ang Librarya sa Teokratikanhong Ministeryong Tunghaan.” Magtatan-aw sa Teokratikanhong Ministeryong Tunghaan mohisgot sa artikulo uban sa tigpaminaw, nga nagapadapat sa impormasyon ngadto sa mga kahimtang sa lokal nga kongregasyon.
Awit 183 ug paniklop nga pag-ampo.
SEMANA SA HUNYO 27–HULYO 3
10 min: Lokal nga mga pahibalo. Tagda ang mga puntong igsusulti gikan sa kinaulahiang mga magasin. Ipresentar ang duha maayo-pagkaandam 30- hangtod sa 60-segundo nga mga pasundayag, ang usa nagapasiugda sa Ang Bantayanang Torre ug ang ikaduha, Pagmata! Palig-onang tanang moambit sa pagmagasin sa Hulyo 4 ug 9.
17 min: Itanyag Ang Kagamhanan nga Magpatunghag Paraiso nga ‘brochure’ sa Hulyo. Masibotong konduktor sa Pagtuon sa Basahon sa Kongregasyon nagahisgot sa tanyag uban sa tigpaminaw, nagasugyot ug mapuslanong mga puntong igsusulti alang sa lokal nga teritoryo, ug nagagamit ug lima ka minutos sa pagpasundayag kon sa unsang paagi ikasumpay ang presentasyon uban sa Ulohan nga Mahisgotan. Iyang ikasugyot nga human mabasa ang Isaias 48:17, 18 imong mapakli ngadto sa panid 29 sa Kagamhanan nga ‘brochure’ nga nagapasiugda sa kalinaw nga makab-ot sa matinumanong katawhan ug unya basahon ang mga pulong sa ibabaw sa panid 30 sa dili pa itanyag ang brochure ngadto sa tagbalay.
18 min: Lokal nga mga panginahanglan o pakigpulong sa “Usa ka Pagtulon-an sa Pagpasaylo,” mga panid 8 ug 9 sa Marso 1, 1988, Bantayanang Torre.
Awit 31 ug paniklop nga pag-ampo.