Mga Tigom nga Motabang Nato sa Paghimog Tinun-an
SEMANA SA NOBYEMBRE 7-13
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Idasig ang buluhaton sa magasin alang sa ikaduhang semana sa bulan. Isugyot ang tukmang mga puntong igsusulti.
18 min: “Pagpangita Una sa Gingharian.” Pangutanag tubag. Ipasundayag sa bansay nga magmamantala ang presentasyon sa parapo 4.
17 min: Mga Batan-on—Ayaw Pagpalimbong. Pakigpulong ug interbiyu. Ang mga batan-on maoy espesyal nga target ni Satanas. Iyang pilion ang dili eksperiyensiyado, daldalon sila sama sa iyang gibuhat kang Eva. (Gen. 3:1) Nagapalambo sa ideya nga may butang nga ang mga batan-on nahikawan gayod. (Gen. 3:4, 5) Nagahimo sa mga butang sa kalibotan nga daw dili makadaot, sama sa bunga sa kahoy sa panan-aw ni Eva. (Gen. 3:6) Si Jehova nagahimog tagana sa pagpanalipod sa mga batan-on gikan sa pagkanalimbongan: Pagkabatan-on nga basahon, ang ‘brochure’ nga School, ang Pagmata! nga luna nga “Mga Batan-on Nangutana,” mga tigom, mga asembliya, mga ginikanan, ug mga ansiyano. Ngano ang tibuok-kinabuhi diha sa pag-alagad kang Jehova mao ang labing maayong paagi sa kinabuhi? (Prov. 27:11; Eccl. 12:1) Interbiyuha ang usa o duha ka sumbanang mga batan-on kinsa nakaugmad sa maayong mga tinguha. Tinoa kon unsa ang nakatabang kanila sa pagpakigbisog sa mga pagpit-os aron magpahiuyon sa eskuwelahan. Ipasiugda ang panginahanglan alang sa uban sa pag-abag sa mga batan-on sa pagpabiling maunongon ug dili malimbongan sa kalibotan.
Awit 164 ug paniklop nga pag-ampo.
SEMANA SA NOBYEMBRE 14-20
10 min: Lokal nga mga pahibalo, Teokratikanhong mga Balita, ug taho sa kuwenta.
20 min: “Pagdumalag Mauswagong mga Pagtuon sa Bibliya.” Pangutanag tubag. Sa dihang tagdon ang parapo 4, ipasundayag sa bansay nga payunir o magmamantala ang paagi nga mahimong hunongon ang usa ka pagtuon sa Bibliya. Sa kadasig palig-ona ang tanan nga nagadumalag mga pagtuon sa pagsusi sa mga resulta sa matag usa pinasukad sa kahayag niini nga materyal.
15 min: Paglig-on sa mga Pamilya. Takos nga ansiyano nagadumalag interbiyu uban sa tulo o upat ka ginikanan. Unsang talagsaong suliran nga ilang ginaatubang? Sa unsang paagi sila nakakat-on sa pagbuntog sa ilang mga problema? Sa unsang mga paagi nga ang kongregasyon nahimong masuportahon? Unsang personal o banaynong mga tumong ang gipahimutang ug sa unsang paagi kini nakabulig sa pamilya? Mahimong positibo ug mainiton sa pagdayeg kanila tungod sa ilang amot ngadto sa espirituwalidad sa kongregasyon.
Awit 161 ug paniklop nga pag-ampo.
SEMANA SA NOBYEMBRE 21-27
5 min: Lokal nga mga pahibalo. Dasigang tanan nga moambit sa buluhatong magasin sa ikaupat nga Sabado sa bulan.
20 min: “Pagtanyag sa Maayong Balita—Maisogon, Apan Uban ang Taktika.” Kobrehan sa pangutanag tubag. Ipasundayag ang usa sa mga panig-ingnan nga gisitar diha sa parapo 3, ginamit ang librong Nangatarongan.
8 min: “Mga Suskrisyon.” Takos nga igsoon nga lalaki kinahanglang mobasa sa tanang parapo ug isal-ot ang haom nga mga komento.
12 min: Lokal nga mga panginahanglan. Subliang mga sugyot alang sa kauswagan ingon sa gimatikdan sa report sa magtatan-aw sa sirkito.
Awit 2 ug paniklop nga pag-ampo.
SEMANA SA NOB. 28–DIS. 4
15 min: Lokal nga mga pahibalo. Hisgoting mga pasiuna diha sa basahong Nangatarongan nga mahimong gamiton uban sa Ulohan nga Mahisgotan ug mohaom sa bag-ong tanyag sa Disyembre: Akong Basahon sa mga Estorya sa Bibliya ug ‘brochure’ nga “Tan-awa!”
15 min: “Pagtabang sa Uban sa Pag-alagad Kang Jehova nga Tibuok-Kalag.” Panaghisgot pinaagig nagadumalang magtatan-aw. Ipasundayag sa usa ka payunir ang paagi sa paghimog tininuod nga panaghisgot uban sa usa nga nagaduhaduha sa pagpabawtismo.
15 min: “Pag-abag sa Uban sa Pagsunod sa Hustisya.” Hisgotan sa pangutanag tubag. Human mahisgoti ang parapo 5, ipasundayag ang mga paagi sa pagsangyaw sa impormal nga paagi samtang nagatambong ug mga kombensiyon. Ilakip ang mubong mga eksperiyensiya gikan sa tigpaminaw.
Awit 78 ug paniklop nga pag-ampo.