Mga Tigom nga Motabang Nato sa Paghimog Tinun-an
SEMANA SA MAYO 8-14
10 min: Lokal nga mga pahibalo ug piniling Mga Pahibalo sa Atong Ministeryo sa Gingharian. Palig-onang tanang itanyag ang kinabag-ohang mga magasin niini nga Sabado.
15 min: “Tabangi ang mga Mabuot ug Kasingkasing sa Pagkalagiw Gikan sa Bantogang Babilonya.” Kobrehan sa magtatan-aw sa pag-alagad pinaagig pangutanag tubag.
20 min: Tabangi ang mga Bag-ohan ug mga Di-aktibo. Hisgotan sa ansiyano ang panginahanglan sa pagbulig sa mga di-aktibo ug sa uban pa nga nagakinahanglan ug pagpalig-on. Ipasiugda ang panginahanglan alang sa tanan sa pagkooperar gayod diha sa pagdasig sa uban. (Heb. 6:1-3) Hinungdanon kon kita moambit man diha sa ‘bug-os nga pagtuman sa atong ministeryo.’ (2 Tim. 4:5) Ipakita ang paagi nga ikahatag ang tabang pinaagig Pagtuon sa Basahon sa Kongregasyon. Susiha ang Index sa pagkaplag sa mapuslanong mga sugyot nga mapadapat sa lokal.
Awit 20 ug paniklop nga pag-ampo.
SEMANA SA MAYO 15-21
10 min: Mainit nga pag-abiabi ngadto sa tigom. Lokal nga mga pahibalo ug taho sa kuwenta. Sa mubo komentohan ang kinabag-ohang mga magasin nga itanyag niini nga Sabado.
20 min: “Bug-os Gamita ang Atong mga Depensa.” Pangutana-ug-tubag nga panaghisgot sa materyal uban ang pasiugda kon sa unsang paagi ipadapat kana diha sa lokal nga kongregasyon.
15 min: Kooperar sa Bug-os Uban sa Pagtuon sa Libro sa Kongregasyon nga Kahikayan. Pakigpulong sa takos nga konduktor sa pagtuon sa libro. Palig-onang tanang mopakig-ambit sa pagtuon ug sa pag-alagad sa kanataran ug sa pagsuportar sa grupo sa pag-atiman sa mga asaynment sama sa paghinlo ug pag-atiman sa Kingdom Hall. Ihatag ang tukmang pagdayeg ug tambag sumala sa lokal nga mga kahimtang.
Awit 12 ug paniklop nga pag-ampo.
SEMANA SA MAYO 22-28
10 min: Lokal nga mga pahibalo. Teokratikanhong mga Balita. Ipasundayag ang duha ka haom mubong presentasyon sa magasin nga magamit sa mga magmamantala niini nga Sabado.
15 min: Paglig-on sa Atong Pagtuo. Hisgotan uban sa tigpaminaw ang tibuok-kalibotang ekspansiyon ug mga eksperiyensiya gikan sa 1989 Yearbook nga ilabinang magpalig-on sa pagtuo sa lokal nga kongregasyon. Tan-awang mga panid 11-13, 42-3, 47, 49, 52-3, 82-3, 121-2, 127-9 ingong mga sugyot, bisan tuod ang uban nga wala hisgoti sa miaging Tigom sa Pag-alagad mahimong gamiton.
20 min: “Halinga ang Kasibot Pinaagig Pagpadapat sa mga Sugyot sa Bantayanang Torre.” Pangutana-ug-tubag nga panaghisgot. Sa paghisgot sa mga parapo 4-6, subliang mga sugyot nga anaa sa mga panid 16-20 sa Hulyo 15, 1988, Bantayanang Torre. Pilia ang usa o duha nianang gihisgotan sa Bantayanang Torre nga artikulo nga magmapuslanon kaayo diha sa inyong lokal nga teritoryo. Ipasundayag ang kapadapatan sa usa ka sugyot nga gihisgotan diha sa magasin.
Awit 64 ug paniklop nga pag-ampo.
SEMANA SA MAYO 29–HUNYO 4
10 min: Lokal nga mga pahibalo. Ipasundayag ang mubong presentasyon sa kinabag-ohang mga magasin nga itanyag niining semanaha. Idasig ang pagpakig-ambit sa pagsangyaw niining hinapos ang semana.
23 min: “Pagtanyag sa Maayong Balita—Uban sa Bag-ong Tanyag.” Pangutana-ug-tubag nga panaghisgot. Basaha ang mga parapo segon sa itugot sa panahon. Himoang tagsa ka pasundayag sa mga parapo 5 ug 6. Gamitang andam-kaayong mga magmamantala sa paghimog matin-aw ug yanong mga presentasyon.
12 min: “Ang Pagkahimong Ordinadong Ministro—Ang Paagi sa Diyos!” gikan sa Bantayanang Torre sa Hunyo 15, 1988, mga panid 28-31.
Awit 196 ug paniklop nga pag-ampo.
SEMANA SA HUNYO 5-11
10 min: Lokal nga mga pahibalo. Hisgoti uban sa tigpaminaw ang mubong presentasyon sa kinabag-ohang mga magasin nga itanyag. Ipasiugda ang mga artikulo sa matag gula nga makadani kaayo sa lokal.
20 min: Sa Unsang Paagi Kita Mahimong Mas Mabungahon? Dumalahon sa magtatan-aw sa pag-alagad. Sublia uban sa kongregasyon ang mga paagi nga ang tanan makaambit sa mga bahin sa pag-alagad nga nagakinahanglan ug pagtagad. Masusi ang impormasyon nga ginamit ang Index ubos sa “FIELD MINISTRY.” Ihatag ang mapuslanong mga sugyot ngadto sa mamiminaw. Usa ngadto sa tulo ka mubong mga pasundayag mahimong ipakita aron sa pag-ilustrar sa mga puntos nga gihisgotan.
15 min: Lokal nga mga panginahanglan. O pakigpulong sa “Labaw ba ang Imong Personal nga Opinyon?” sa Pebrero 15, 1989 nga Bantayanang Torre, mga panid 18-20.
Awit 193 ug paniklop nga pag-ampo.