Mga Tigom nga Motabang Nato sa Paghimog Tinun-an
NOTA: Among gieskedyol ang tigom sa pag-alagad alang sa kada semana niini nga Ministeryo sa Gingharian. Sa lokal ang mga kongregasyon maghimog kausaban aron lugaran ang pagtambong sa distritong kombensiyon. Ang usa ka 30-minuto nga pagrepaso sa dagkong puntos sa programa gieskedyol sa semana sa Enero 1-7. Ang matag adlaw nga pagsubli mahimong itudlo nga abante pa ngadto sa duha o tulo ka takos nga mga igsoong lalaki kinsa mopunting sa yawing mga puntos alang sa personal nga pagpadapat ug paggamit niana diha sa kanataran.
SEMANA SA DISYEMBRE 11-17
8 min: Lokal nga mga pahibalo ug Mga Pahibalo sa Atong Ministeryo sa Gingharian. Sa mubo ipasundayag ang mga presentasyon sa magasin nga magamit sa pag-alagad niining semanaha.
17 min: “Nahiusa sa Pagbuhat sa Kabubut-on ni Jehova.” Hisgotan sa pangutanag tubag. Ipasundayag ang tanyag nga gihisgotan sa mga parapo 3 ug 4, usa ka presentasyon sa pamalaybalay, ug ang ikaduha sa impormal nga pagpamatuod.
20 min: Halinga ang Interes Alang sa Umaabot nga mga Duaw. Pakigpulong ug mga pasundayag. Importante nga mahimong mataktiko ug malulot sa atong ministeryo. (1 Cor. 9:19-23) Ang pagbilin ug maayong impresyon hayan mobukas ug dalan alang sa panaghisgot sa sunod higayon. Pinaagig pagpatunghag usa ka pangutana sa mobiya kita sa balay, basin kita makapukaw sa panghunahuna sa tagbalay mao nga siya magpaabot alang sa sunod nga duaw. Maayo nga gamiton ang mga ulohan diha sa basahong Nangatarongan, sama sa “Ang tawo ba gilalang sa Diyos aron mamatay?” (rs p. 102; p. 98 sa Ingles), “Malaglag ba ang planetang Yuta diha sa nuklyear nga gubat?” (rs p. 434; p. 112 sa Ingles), ug “Sa unsang paagi maila sa usa ka tawo kon hain ang hustong relihiyon?” (rs p. 368; p. 328 sa Ingles). Ipasundayag ang paniklop nga duaw nga wala ing gipakitang interes. Sa pagbiya sa magmamantala, siya mosuknag usa ka pangutana, nga nagaingon nga siya malipay sa pagtubag niana sa sunod niya nga pagduaw. Usab, ipasundayag ang paagi kon unsaon sa paggamit sa magmamantala ang librong Nangatarongan sa pagtubag sa tagbalay kon siya mohangyo alang sa tubag.
Awit 98 ug paniklop nga pag-ampo.
SEMANA SA DISYEMBRE 18-24
5 min: Lokal nga mga pahibalo, Taho sa kuwenta.
10 min: “Mga Batan-on Nangutana . . . Sa Unsang Paagi Mapauswag Nako ang Pagpakigkokabildo?” Panaghisgot uban sa duha o tulo ka batan-on nga gibase sa Pagmata! sa Mayo 22, 1989, mga panid 23-5.
15 min: “Pagtanyag sa Maayong Balita—Pinaagig Pagtinabangay sa Usag Usa sa Pagsugod ug mga Pagtuon sa Bibliya.” Pangutanag tubag. Ilakip ang duha ka pasundayag sa pagtanyag ug pagtuon sa Bibliya sa unang duaw, nga nagagamit sa mga ehemplo ubos sa “Pagtuon sa Bibliya sa Balay” sa panid 12 sa librong Nangatarongan.
15 min: Pahayag sa “Kinsa ang Mahimong Higala sa Diyos?” nga gipasukad sa artikulo sa Bantayanang Torre sa Septiyembre 15, 1989, panid 26.
Awit 123 ug paniklop nga pag-ampo.
SEMANA SA DISYEMBRE 25-31
10 min: Lokal nga mga pahibalo. Dumalahon ang “Pangutana” nga moambit sa panaghisgot ang tigpaminaw, nga nagatan-aw sa mga teksto. Larawa ang mga kahikayan sa pagsangyaw.
20 min: “Pag-una sa Intereses sa Gingharian.” Kobrehan sa pangutanag tubag pinaagig takos-kaayo nga ansiyano.
15 min: Pakigpulong sa “Ikaw ba Motan-aw Lamang sa Panagway sa Gawas?” nga gibase sa artikulo sa Bantayanang Torre sa Nobyembre 1, 1989, panid 28.
Awit 129 ug paniklop nga pag-ampo.
SEMANA SA ENERO 1-7
5 min: Lokal nga mga pahibalo. Teokratikanhong mga Balita.
10 min: “Padayong Magbantay sa Imong Paglakaw.” Kobrehan sa pangutanag tubag. Dasiga ang tanan sa kongregasyon sa pagplano sa pagtambong sa sirkitong asembliya. Hisgoti ang pagtabang sa mga tigulang ug mga baldado nga nagakinahanglan ug pagbulig.
30 min: Pagrepaso sa Dagkong Puntos sa “Diyosnong Debosyong” Kombensiyon. Tulo ka takos nga igsoong mga lalaki mogamit sa napulo ka minutos sa kada usa aron kobrehan ang dagkong puntos sa usa ka adlaw sa maong kombensiyon. Tan-awa ang NOTA sa itaas kon sa unsang paagi kini igatudlo ug igapresentar. Tungod sa limitadong panahon, ang mga eksperiyensiyang gamiton ug mga komento gikan sa mamiminaw kinahanglang mubo ra ug diretso sa punto.
Awit 80 ug paniklop nga pag-ampo.