Mga Ansiyano Makigtigom sa mga Payunir
1 Sulod niining bulana ang usa o duha ka ansiyano makigmiting sa tanang regular ug espesyal payunir aron hisgotan ang ilang buluhaton ingong bug-os-panahong mga alagad. Ang maong miting molungtad sa duolan sa usa ka oras ug magsunod sa gisugyot nga laraw nga gitagana sa Sosyedad.
2 Sulod niining tigoma maayo alang sa mga ansiyano nga tagdon ang binuhatan sa kanataran sa mga regular payunir. Namatikdan nga daghang wala makakab-ot sa ilang 1,000-oras nga kinahanglanon sa miaging tuig ug sa gisulatan ang mga ansiyano bahin niini, ilang girekomendar nga daghang payunir magpabilin sa listahan ug sila manlimbasog sa pagkab-ot sa mga kinahanglanon sa oras niining tuiga sa pag-alagad. Karon nga upat na ka bulan ang milabay sa 1990 nga tuig sa pag-alagad, ang tanang regular payunir nakakab-ot na unta sa mga ikatulong bahin sa ilang tinuig nga oras o mga 334 ka oras. Kon adunay wala makakab-ot, sila gayod tabangan sa maong miting aron mataplan ang alkansing oras sa nahibiling walo ka bulan sa tuig sa pag-alagad.
3 Atong mapaneguro nga kining mitinga makatabang sa tanang payunir sa pagpabili sa ilang pribilehiyo ug kaakohan nga mas pa gayod, nga sa ingon nagapahimutang ug maayong panig-ingnan alang sa tanan diha sa kongregasyon.