Mga Tigom nga Motabang Nato sa Paghimog Tinun-an
SEMANA SA HULYO 9-15
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ilakip ang mga kahikayan sa pag-alagad sa kanataran sa semana. Ipasundayag ang paggamit sa Ulohan nga Mahisgotan sa pagtanyag sa mga brosyur.
20 min: “Ipaambit ang Espirituwal nga mga Bahandi sa Uban.” Pangutana-ug-tubag nga panaghisgot. Sa kainit idasig ang pagkamahinatagon diha sa atong espirituwal nga pagpanghatag. Segon sa itugot sa panahon, ipaasoy ang piniling mga kasinatian maylabot sa pagpahimutag mga brosyur.
15 min: “Kon Unsaon sa Pagtabang sa mga Nagmagul-anon nga Mapasig-uli ang Kalipay.” Pakigpulong gipasukad sa artikulo sa Marso 15, 1990 nga Bantayanang Torre, mga panid 26-30.
Awit 178 ug paniklop nga pag-ampo.
SEMANA SA HULYO 16-22
5 min: Lokal nga mga pahibalo, taho sa kuwenta, ug mga balos-pasalamat bahin sa donasyon.
10 min: “Pangutana.” Pahayag sa ansiyano.
20 min: “Magmahanason sa Imong Ministeryo.” Pangutana-ug-tubag nga panaghisgot sa artikulo. Sa tagdon ang mga parapo 5 ug 6, ipasundayag ang paggamit sa mga sugyot nga makaplagan sa Hulyo 15, 1988 nga Watchtower ug sa librong Nangatarongan. Usab, ipasugid sa mga magmamantala ang maayong mga resulta nga nakab-ot sa lokal pinaagig pagpadapat sa mga sugyot nga nadawat pinaagig kapunongan ni Jehova.
10 min: Kon sa Unsang Paagi Makasugod ug mga Pagtuon sa Bibliya. Interbiyuha ang duha o tulo ka magmamantala nga nagmalamposon sa pagsugod ug mga pagtuon. Unsa man ang ilang nakaplagan nga epektibo? Giunsa man nila sa padayong pagpalambo sa unang interes? Himoa ang mubong mga pasundayag kon unsaon sa pagsugod ug pagtuon sa Bibliya sa unang duaw ug sa dihang maghimog balikduaw.
Awit 143 ug paniklop nga pag-ampo.
SEMANA SA HULYO 23-29
10 min: Lokal nga mga pahibalo. Teokratikanhong mga Balita. Ilakip ang mga kahikayan sa pag-alagad sa kanataran para sa bug-os nga semana. Segon sa itugot sa panahon, ipunting ngadto sa mga puntong igsusulti sa kinabag-ohang mga magasin.
20 min: “Tagbawa ang Imong Espirituwal nga Panginahanglan.” Pangutana-ug-tubag nga pagtagad sa artikulo. Interbiyuha ang usa ka ulo sa pamilya ug usa ka dalaga o ulitawo nga magmamantala kon sa unsang paagi ilang nabuntog ang hagit sa paggahin ug panahon aron tagbawon ang ilang espirituwal nga panginahanglan. Palig-onang mga igsoon nga susihon ang ilang kaugalingong mga kahikayan ug sa maikagon manlimbasog sa paghimog gikinahanglang mga pagpasibo, pagpauswag.
15 min: Lokal nga mga panginahanglan o ang Tinamdan sa Matuod nga mga Kristohanon Ngadto sa Kalibotan ug sa Katawhan Kinsa Bahin Niana. Pakigpulong sa ansiyano nga gibase sa basahong Nangatarongan, mga panid 95-96 (pp. 437-8 sa Ingles).
Awit 177 ug paniklop nga pag-ampo.
SEMANA SA HUL. 30–AGOS. 5
10 min: Lokal nga mga pahibalo. Ipaasoy ang usa o duha ka kasinatian sa kanataran nga natagamtam sa mga magmamantala nga migamit sa mga brosyur. Ipahibalo ang mga ulohan sa mga brosyur nga anaa sa kongregasyon aron magamit sa Agosto. Ipasundayag ang paagi sa paggamit sa usa ka brosyur diha sa lokal nga teritoryo. Dasigang mga magmamantala nga moambit sa pagsangyaw niining umaabot nga semana.
15 min: “Pagtanyag sa Maayong Balita—Ingong Usa ka Pamilya.” Pangutana-ug-tubag nga pagkobre sa materyal. Mosukna lang ug usa o duha ka pangutana sa kada parapo aron ang tanang parapo mabasa.
20 min: “Tabang sa Hustong Panahon.” Hisgotan sa magtatan-aw sa pag-alagad ang impormasyon sa artikulo uban sa tigpaminaw. Ipasiugda ang mga kaayohan sa kahikayan alang sa magtatan-aw sa pag-alagad nga moduaw sa mga grupo sa Pagtuon sa Basahon sa Kongregasyon. Palig-onang tanan nga maghimog espesyal nga panlimbasog nga moambit sa kalihokan sa semana sa duaw sa magtatan-aw sa pag-alagad.
Awit 214 ug paniklop nga pag-ampo.