Mga Tigom nga Motabang Nato sa Paghimog Tinun-an
SEMANA SA SEPTIYEMBRE 10-16
12 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Basahang “Pangutana” ug sa mubo komentohan ang kahinungdanon sa hustong pagpamiste, pamostura, ug pamatasan sa dihang nagahawas sa kapunongan ni Jehova. Idasig ang pagpamatuod sa magasin sa Sabado.
18 min: “Tabangi ang Uban sa Pagpabili sa Atong Dakong Maglalalang.” Pangutanag tubag. Human mahisgoti ang parapo 5, ipasundayag sa usa ka magmamantala ang paggamit sa Ulohan nga Mahisgotan. Gamitong mga ilustrasyon ug mga kapsiyon sa mga panid 130 ug 251 sa dihang ipresentar ang librong Creation.
15 min: “Paggamit sa Tunghaan sa Pagpauswag sa Ministeryo sa Kanataran.” Hisgotan sa magtatan-aw sa tunghaan uban sa tigpaminaw ang Tun-anan 19 sa Giya sa Tunghaan. Ipakita ang paagi nga ang tunghaan makadugang sa atong pag-uswag diha sa ministeryo sa kanataran. Palig-ona kadtong nagpatala sa tunghaan sa paghimog mga tagboan (settings) ug mga pakigpulong nga mapuslanon alang sa paggamit diha sa lokal nga teritoryo.
Awit 31 ug paniklop nga pag-ampo.
SEMANA SA SEPTIYEMBRE 17-23
10 min: Lokal nga mga pahibalo ug taho sa kuwenta.
18 min: Pag-ugmad ug Interes sa Librong Creation. Pakigpulong ug mga pasundayag. Andam ba kita sa pagbalik sa mga napahimutang aron ang interes dili malawos ug mawagtang? Ipakita ang paagi nga magamit ta ang impormasyon diha sa librong Nangatarongan ubos sa “Ebolusyon” sa mga balikduaw. Diha sa librong Creation mismo, unsang ulohan nga magpainteres sa tagbalay? Ang maong libro gidesinyo uban sa mga pangutana nga magamit sa pagtuon sa Bibliya. Ang kapitulo 3 naghisgot sa sinati nang materyal gikan sa Genesis. O tingali ang materyal diha sa mga kapitulo 16 ug 17 sa “Why Would God Permit Suffering?” ug “Can You Trust the Bible?” mopadani sa tagbalay. Duha ka magmamantala mopasundayag sa pagsugod ug pagtuon diha sa librong Creation, nga nagagamit sa mga puntos sa itaas.
17 min: “Kon Ngano Gayong Buot Mo nga Magdumalag Pagtuon sa Bibliya.” Pangutanag tubag. Sa mubo interbiyuha ang usa ka magmamantala o payunir kinsa nakatabang ug usa ngadto sa bawtismo. Suknaa kon unsang matanga sa relasyon ang naugmad tali kaniya ug sa estudyante ug kon unsang mga benepisyo ang nadawat pinaagig pagdumalag mga pagtuon.
Awit 133 ug paniklop nga pag-ampo.
SEMANA SA SEPTIYEMBRE 24-30
10 min: Lokal nga mga pahibalo. Teokratikanhong mga Balita. Usab, subliang “‘Putling Pinulongan’ nga mga Kombensiyon.”
17 min: “Komosta man ang Nahimo sa Imong mga Anak sa Eskuwelahan?” Tagdon sa pangutanag tubag. Ipabasa ang mga parapo ug mga teksto. Kon aduna may bisan unsang mga kasinatian nga nagailustrar sa mga puntong gipasiugda, kini mahimong ilakip.
18 min: Lokal nga mga panginahanglan o pahayag sa “Hinumdomi ang Imong Dakong Maglalalang sa Imong Pagkabatan-on” sa Mayo 15, 1990 nga Bantayanang Torre, mga panid 27-9.
Awit 191 ug paniklop nga pag-ampo.
SEMANA SA OKTUBRE 1-7
7 min: Lokal nga mga pahibalo.
23 min: “Pagtanyag sa Maayong Balita—Pinaagig Pagpahimulos sa Kahigayonan sa Paghimog Impormal nga Pagpamatuod.” Pangutanag tubag. Human sa parapo 3, hangyoang tigpaminaw sa ubang mga okasyon nga mahimo ang impormal nga pagpamatuod. Human sa parapo 6, interbiyuha ang usa o duha ka magmamantala nga may kalamposan sa impormal nga pagpamatuod, nga nangutana kon nganong epektibo ang ilang paghimo niana ug sa unsang paagi nga kana nakabenepisyo kanila.
15 min: Tanyag sa mga Suskrisyon sa Pagmata! Hisgoti ang importansiya sa pagtanyag ug mga suskrisyon sa Oktubre, ug ipakita kon unsang mga kahigayonan nga atong nabatonan sa pagtanyag niana. Ipasundayag ang tanyag sa suskrisyon.
Awit 71 ug paniklop nga pag-ampo.