Mga Tigom nga Motabang Nato sa Paghimog Tinun-an
SEMANA SA AGOSTO 12-18
10 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Ipasiugda ang mga artikulo sa bag-ong mga magasin nga magamit sa buluhatong pagmagasin sa umaabot nga semana.
18 min: “Magmapailobon ug Magmabug-os sa Ministeryo.” Pangutanag-tubag nga pagkobre sa artikulo. Ipasiugda ang panginahanglan nga magmapailobon, ilabina sa teritoryo nga kanunayng gikobrehan. Human hisgoti ang parapo 6, ipasundayag sa magmamantala kon unsaon paggamit ang Ulohan nga Mahisgotan dihang itanyag ang “Tan-awa!” nga brosyur.
17 min: “Kahikayan sa Pagtuon sa Libro sa Kongregasyon—Bahin 1.” Panaghisgot pinaagi sa may kasinatiang ansiyano uban sa usa o duha pa ka laing mga ansiyano o ministeryal nga mga alagad kinsa mga konduktor sa Pagtuon sa Libro. Ihatag ang linaing pagpasiugda sa duha o tulo ka butang nga gikinahanglan diha sa lokal nga kongregasyon, sama sa pagkomento sa kaugalingong mga pulong ug paghimog praktikal nga kapadapatan sa materyal nga gihisgotan.
Awit 132 ug paniklop nga pag-ampo.
SEMANA SA AGOSTO 19-25
10 min: Lokal nga mga pahibalo. Taho sa kuwenta. Teokratikanhong mga Balita.
15 min: “Magmabug-os-Kalag sa Ministeryo sa Kanataran—Bahin 1.” Pangutanag-tubag nga panaghisgot pinaagig magtatan-aw sa pag-alagad. Itudlo nga abante ang pinili yawing mga kasulatan nga basahon, ug paghimog lokal nga pagpadapat. Tukbila ang kaikag sa limag-bahing serye.
20 min: Bug-os Panahong Pag-alagad—Usa ka Mahimayaong Kahigayonan sa Paglakaw Uban sa Diyos. (Miq. 6:8) Ang may katakos nga ansiyano o ministeryal nga alagad, labing maayo usa ka payunir, ang mohatag ug mainit, makapadasig nga pakigpulong. (Tan-awa ang Mayo 15, 1989 Bantayanang Torre, mga panid 21-3.) Larawa ang mapuslanong mga sugyot sa pagtabang sa mga magmamantala nga isipong ugdang ang bahin sa pagsulod sa bug-os-panahong buluhaton. Interbiyuha ang duha o tulo ka payunir, ug larawa ang mga kaayohan sa bug-os-panahong pag-alagad. Ang bag-ong tuig sa pag-alagad maoy usa ka maayong panahon sa pagsugod. Kadtong kinsa mosugod sa Septiyembre 1 mahimong kuwalipikado sa Tunghaan sa Payunir nga Pag-alagad sa 1992.
Awit 204 ug paniklop nga pag-ampo.
SEMANA SA AGOS. 26–SEPT. 1
5 min: Lokal nga mga pahibalo. Usab paghisgot ug pipila ka mga punto diha sa librong Mga Batan-on Nangutana, nga pagagamiton sa atong tanyag sa Septiyembre.
15 min: “Pagtanyag sa Maayong Balita—Uban ang Pagkamailahon.” Pangutanag-tubag nga pagkobre. Ipasundayag ang mga punto sa parapo 5. Ipakita sa may katakos nga magmamantala kon unsaon sa pagpakiglabot sa tagbalay kinsa sa sinugdan nakig-argumento pinaagig mataktikanhong pagsuknag mga pangutana ug pagpakita kon unsay ginaingon sa Bibliya. Ang pasundayag kinahanglan maayong pagkaensayo.
25 min: “Pagtanom ug Pagbisibis—Mga Tikang Ngadto sa Paghimog mga Tinun-an.” Pakigpulong sa mga parapo 1-9 sa suplemento, sundan sa pangutanag-tubag nga panaghisgot sa mga parapo 10-14.
Awit 67 ug paniklop nga pag-ampo.
SEMANA SA SEPTIYEMBRE 2-8
5 min: Lokal nga mga pahibalo.
20 min: “Pagtuman sa Atong Ministeryo sa Gingharian sa Kanataran.” Pangutanag-tubag nga pagtagad sa artikulo. Iilustrar kon sa unsang paagi ang mga punto sa mga parapo 2-6 praktikal nga magamit. Dihang tagdon ang parapo 5, ipasundayag ang usa ka magmamantalang nalisdan sa pagsugod ug panagtuon sa Bibliya nga miduol sa magtatan-aw sa pag-alagad alang sa tabang. Gamiton sa magtatan-aw sa pag-alagad ang Index sa pagtabang sa magmamantala.
20 min: “Pagtanom ug Pagbisibis—Mga Tikang Ngadto sa Paghimog mga Tinun-an.” Pakigpulong nga may pakig-ambit sa tigpaminaw sa mga parapo 15-20 sa suplemento. Sa parapo 16 himoa ang usa ka maayong-pagkaandam nga pasundayag sa pagsugod ug usa ka pagtuon pinaagig usa ka ‘tract’ o brosyur. Ipasiugda ang kahinungdanon sa matag magmamantala nga makabatog usa ka pagtuon sa Bibliya aron makig-ambit diha sa paghimog mga tinun-an. Himoa kining usa ka tumong alang sa 1992 nga tuig sa pag-alagad.
Awit 42 ug paniklop nga pag-ampo.