Ikaw ba Mahimong Regular Payunir Sugod sa Septiyembre?
1 Aduna ka ba ing espiritu sa payunir? Mahimong hubiton kini ingong pagbaton ug positibong tinamdan ngadto sa sugo sa pagsangyaw ug paghimog mga tinun-an, nga nagasakripisyo-kaugalingon, nagapakitag gugma ug kabalaka alang sa katawhan.
2 Ang katawhan ni Jehova sa katibuk-an sa tino nagapadayag niining espirituha karon. Apan, ang kabalaka ug kahigwaos sa matag adlaw nga pagkinabuhi mahimo tingaling makakunhod sa atong kasibot sa espirituwal nga mga butang. Ang kada tawo kinahanglan diay nga mangutana sa kaugalingon, ‘Ako ba adunay espiritu sa payunir? Ginatugotan ko ba kining sistemaha sa mga butang sa pagtulis niana kanako? Ako bang ginapalambo ang espiritu sa payunir diha sa kongregasyon? Unsa may akong mahimo sa pagbuntog sa negatibong tinamdan maylabot sa payuniring?’
3 Nganong di sugdan karon sa tinuod nga pagtagad ang posibilidad sa pagsugod ingong regular payunir sa Septiyembre, nga maoy sinugdanan sa 1992 nga tuig sa pag-alagad? Daghan kaninyo ang nakaalagad na ingong katabang nga mga payunir niining miaging ting-init. Nakab-ot ba ninyo ang inyong tumong nga 60 oras? Kon mao, ug kon ikaw nakasugod ug daghang pagtuon sa Bibliya, sa walay duhaduha buot mo nga magpadayon sa pagpayunir. Pinaagig pagdugang ug laing usa ka oras sa matag adlaw, ikaw makaarang man sa pag-aplay ingong regular payunir sugod sa Septiyembre. Karon mao na ang panahon sa paghimo sa imong mainampoong pagtagad niini.
4 Samtang ang espiritu sa payunir diha sa kongregasyon nagatubo, mao man ang kainit ug espirituwalidad sa kaigsoonan. Busa, samtang nagasingabot ang 1992 nga tuig sa pag-alagad, himoang imong tinguha sa pagbulig nga maugmad ang espiritu sa payunir diha sa inyong kongregasyon. Mahimong usa ka regular o oksilyare payunir kon maarangan mo. Apan ikaw man usa ka payunir o usa ka magmamantala, padayong ipakita ang espiritu sa payunir sulod sa sunod nga tuig sa pag-alagad.