Pagtanyag sa Maayong Balita—Uban sa mga Magasin sa Kanunayng Nakobrehang Teritoryo
1 Sa Buhat 8:25 atong mabasa nga si Pedro ug Juan mihimog bug-os nga pagpamatuod didto sa Samaria ug unya mipahayag “sa maayong balita ngadto sa daghang mga balangay.” Karong mga adlawa, kita usab kinahanglang mohimog bug-os nga pagpamatuod sa atong teritoryo.
2 Daghang kongregasyon ang nagakobre sa ilang teritoryo nga makanunayon. Apan dili kita kinahanglang magnegatibo bahin niini. Uban sa kada gula sa Ang Bantayanang Torre ug Pagmata!, aduna man kanunay ing bag-ong mga ulohan nga atong ikapaambit sa katawhan.
MAKIGSULTI SA MGA TAWO
3 Sagad atong gigamit ang mubo kaayong mga presentasyon sa magasin aron ikahatag ang dakong pagpang-apod-apod sa mga magasin. Apan, sa dihang mokobre sa siging nasangyawan nga mga teritoryo, maayo nga makigsultig dugaydugay uban sa mga tagbalay. Bisan ang gagmayng kabataan makahisgot man ug dugang sa nagpainteres kanila diha sa artikulo. Unsaon ta man kini sa pagbuhat? Hinungdanon nga masinati sa mga artikulo sa mga magasin. Sa basahon ang mga magasin, tinoa kon unsa ang mosaler ngadto sa mga tawo sa inyong teritoryo. Dayon, sa di pa mosangyaw, pilia ang mga ulohan nga imong ipasiugda. Gamita ang usa sa maayong mga ulohan diha sa magasin ingong lintunganayng punto sa imong introduksiyon. Butara ang panghunahuna sa tagbalay diha sa mahigalaong panaghisgot.
4 Ang paggahin ug panahon sa pagpakigsulti sa mga tawo makaabag kanato sa pagtino kon ang maong tawo interesado ba gayod. Niining paagiha atong ikabilin ang mga magasin uban kanilang mogahin ug panahon sa pagbasa niana.
HINUMDOMI ANG ATONG KATUYOAN
5 Ang atong tuyo sa pagpamalaybalay dili ang paglantaw kon unsa ka daghan sa mga magasin o mga libro nga atong ikapahimutang. Ang atong tinguha mao ang pagtabang sa uban nga makadangat sa tukmang kahibalo sa kamatuoran. Si Pedro ug Juan mibutyag sa pulong ni Jehova ngadto sa mga Samaritano diha sa bug-os nga paagi, ug kita usab gusto nga mogugol sa gikinahanglang panahon aron sa pagtino nga ang katawhan diha sa atong teritoryo mahatagan ug higayon sa pagsanong sa kamatuoran. Batoni ang rekord niadtong nagapakitag tinuod nga interes ug ipahimutang ang pasukaranan alang sa pagtuon sa Bibliya diin posible.
6 Pinaagig epektibong paggamit sa mga magasin ingong basihanan sa atong mga panaghisgot, kita makapalampos man niining katuyoana. Kita gayod mag-ampo alang sa atong kaugalingon ug sa uban nga kita unta mahatagan ug “katakos sa pagsulti . . . aron ipahibalo ang balaang tinago sa maayong balita . . . uban ang kaisog.”—Efe. 6:18-20.