Mga Pahibalo

◼ Tanyag sa basahon sa Enero ug Pebrero: Worldwide Security Under the “Prince of Peace” sa ₱16.00. (Apan, ang Bicol nga mga kongregasyon motanyag sa librong The Truth That Leads to Eternal Life sa ₱8.00. Ang Cebuano nga mga kongregasyon motanyag sa librong Kalipay sa ₱8.00. Ang Hiligaynon ug Samar-Leyte nga mga kongregasyon motanyag sa librong Good News to Make You Happy sa ₱2.50.) Marso: Mga Pangutanang Gisukna sa mga Batan-on​—Mga Tubag nga Mosaler sa ₱24.00. Abril ug Mayo: Usa ka tuig nga suskrisyon sa Ang Bantayanang Torre sa ₱70.00.

◼ Sa Enero ug Pebrero, ang Good News to Make You Happy sa Hiligaynon ug Samar-Leyte, ingon man ang pipila ka Inentsik nga mga basahon sumala sa gipahibalo sa Disyembre nga Atong Ministeryo sa Gingharian, igatanyag sa ₱2.50. Ang bili alang sa mga payunir niining mga basahona maoy 70¢. Usab, ang librong Truth sa Bicol ug Happiness sa Cebuano igatanyag sa ₱8.00, ug ang bili alang sa payunir maoy ₱4.00. Palihog paneguroa nga makahangyog kunhod sa bisan hain niining mga basahona nga nakuha sa mga payunir ug magmamantala, nga nagatala niini sa separadong mga linya diha sa Remittance and Credit Request nga porma (S-20).

◼ Ang Enero maoy panahon sa pagbag-o sa atong Medical Documents ug Identity Cards sa 1992. Usa ka rebisadong ‘Medical Document’ mabatonan ug mahimong orderon gikan sa Sosyedad. Makaayo alang sa mga ansiyano nga repasohon ang sulat sa Sosyedad penetsahag Nobyembre 1, 1991 sa tukmang paggamit niining maong kard ug pahibaloon ang mga magmamantala uyon niana.

◼ Ang sanga sa Korea mipahibalo namo nga ang pipila ka igsoong Pilipino misulod sa Korea isip mga turista aron makapanarbaho didto. Apan, dili mahimong mosulod ingon nga usa ka turista ug unya moaplay ug pagtugot nga motrabaho sa dihang ikaw moabot. Kanang maong ilegal nga mga trabahante makahatag suliran sa Sosyedad sa departamento sa imigrasyon, ug busa walay moaplay nga moadtog Korea sa pagpanarbaho gawas kon sila may permiso na sa pagtrabaho una pa sila mobiya sa Pilipinas.