Mga Pahibalo

◼ Tanyag nga basahon sa Disyembre: New World Translation of the Holy Scriptures uban sa librong Ang Bibliya​—Pulong sa Diyos o sa Tawo? sa ₱100.00. Enero: Ang Labing Bantogang Tawo nga Nabuhi Sukad sa ₱60.00. Pebrero: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. Marso: Pinadayag​—Hingpit nga Sangkoanan Niini Haduol Na! sa ₱60.00. MATIKDI: Ang mga kongregasyon nga wala pa makapedido sa gihisgotan sa itaas nga mga basahong igtatanyag magahimo niana diha sa ilang sunod binulang Literature Request Form (S-14).

◼ Mahinungdanon alang sa mga magmamantala ug mga pamilya ang paghimog tinong mga kahikayan sa pagpakig-ambit sa pag-alagad sa kanataran sayo sa Disyembre. Kon, tungod sa pagtambong og usa ka kombensiyon o tungod sa bakasyon mahilayo ka sa imong pinuy-anang kongregasyon sa kataposan sa Disyembre, paneguroang ihatag sa sekretaryo ang imong report una ka molakaw. Pinaagig pagkamatanlagon sa tanan sa pagtunol sa ilang report sa tukmang panahon, ang tanang magmamantala maihap gayod sa Disyembre nga report. Sa miaging Disyembre ang tanan mikooperar og maayo ug busa ang atong report wala mokunhod. Pasagding kitang tanan “magmatinumanon sa gagmayng mga butang” niini usab nga Disyembre.​—Luc. 16:10.

◼ Sanglit ang kombensiyon niining tuiga maoy tulo ka adlaw, walay panginahanglan sa pagkanselar sa Pagtuon sa Libro sa Kongregasyon sa semana sa kombensiyon.

◼ Ang tanan mas bug-os makabenepisyo gikan sa drama sa “Mga Tigdala sa Kahayag” Distritong Kombensiyon pinaagig pagbasa sa inspiradong asoy nga narekord sa 2 Hari 22:1–23:23 ug 2 Cronicas 34:1–35:19 una pa motambong sa kombensiyon.

◼ Ang Disyembre 25, 30, ug Enero 1 maoy mga piyesta opisyal, busa kadtong mga kongregasyon nga wala magatambong og mga kombensiyon kinahanglang mag-eskedyol og espesyal nga kalihokan sa magasin nianang mga adlawa.

◼ Ang 1993 tinuig nga teksto gikuha gikan sa Salmo 86:11: “Tudloi ako, O Jehova . . . Hiusaha ang akong kasingkasing sa pagkahadlok sa imong ngalan.” Kinahanglang hikayon sa tanang kongregasyon nga mabutang na ang bag-ong tinuig nga teksto sa ilang mga Kingdom Hall sa Enero 1, 1993.