Mga Tigom sa Pag-alagad Alang sa Hunyo
Semana sa Hunyo 7-13
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Interbiyuha ang pipila nga nag-oksilyare payunir sa Abril ug Mayo kinsa nagaplano karon nga mopadayon ingong regular nga mga payunir o sa pagpadayon sa ilang oksilyare payunir nga buluhaton.
15 min: “Dayega ang Diyos sa Paglalang.” Pangutanag tubag nga pagkobre sa artikulo. Hikayang abante ang maayog panig-ingnan nga mga batan-on nga makaasoy ug mga kasinatian gikan sa mga basahon nga gisitar sa parapo 4, ug ang laing magmamantala makaasoy sa kasinatian nga gihisgtotan sa parapo 5. Dasigang tanan sa paggamit sa librong Creation sa tanang okasyon sa Hunyo ug sa pagpahiluna sa pasukaranan alang sa pagbalikduaw kon gipakita ang tiunay nga interes.
20 min: “Mga Presentasyon nga Magpahaling sa Interes.” Hisgoti uban sa mamiminaw kon unsaon pagpadapat ang mga sugyot sa inyong lokal nga teritoryo. Hikayang duha o tulo ka matinud-anon, naandam pag-ayong mga pasundayag, nga naggamit sa mga ideyang gipresentar sa mga parapo 3 ngadto sa 5 sa artikulo.
Awit 104 ug paniklop nga pag-ampo.
Semana sa Hunyo 14-20
10 min: Lokal nga mga pahibalo. Mga kasinatian nga napahimuslan di pa dugay sa pagsangyaw uban sa librong Creation. Daghan bang magmamantala ang nakasugod ug mga pagtuon sa Bibliya? (Kini angayng han-ayon na nga abante.)
20 min: “Magmapaayon-ayonon sa Imong Ministeryo.” Pakigpulong uban ang pipila ka pakig-ambit sa mamiminaw. Ilakip ang duha ka mugbong pasundayag sa dihang magahisgot sa mga parapo 3-5. Sa dihang magapasundayag sa punto sa mga parapo 4 ug 5, ipakita kon sa unsang paagi ang edarang magmamantala ug usa ka batan-on duyog nga makasangyaw sa balaybalay nga ministeryo ingon sa gilaraw sa artikulo. Ipasiugda ang panginahanglan sa pagbatog kalipay sa ministeryo nga di-igsapayan ang mga resulta.
15 min: Ang Diyos ba Nagapasaylo sa Atong mga Sala? Duha ka ansiyano nangandam alang sa duaw sa pagpasibsib. Ilang hisgotan kon unsaon pagtabang sa usa ka igsoon nga lalaki nga nasamok gihapon maylabot sa nangaging mga sala ug nagduhaduha kon ang Diyos nagpasaylo ba kaniya. Ang mga ansiyano morepaso sa materyal diha sa librong Nangatarongan, mga panid 320-4 (p. 81-4 sa Ingles), ug usab sa librong Insight, Tomo 1, mga panid 861-2. Ilang gitagad ang panginahanglan nilang modumala nga maluloton uban niining igsoona ug sa pagpatugbaw sa kaluoy ni Jehova ug pagkaandam nga mopasaylo. Giplano usab nila nga ipasiugda ang panginahanglan alang sa personal nga panikaysikay diha sa bahin sa igsoong lalaki; ang pagsugid lamang dili pa igo. Ang mga ansiyano motanyag sa pagsusi sa igsoon sa ngadtongadto, nga nagapadayon uban ang espirituwal nga pag-abag.
Awit 214 ug paniklop nga pag-ampo.
Semana sa Hunyo 21-27
10 min: Lokal nga mga pahibalo, lakip ang taho sa kuwenta ug mga balos-pasalamat sa donasyon. Dayega ang kongregasyon sa ilang pagsuportar sa panalapi sa lokal nga kongregasyon ingon man sa tibuok-kalibotang buluhaton sa Sosyedad. Sa mubo lakbiti ang artikulong “Dili mga Tigbaligya sa Pulong sa Diyos” sa Bantayanang Torre sa Disyembre 1, 1992, mga panid 26-9 sa pagpakita sa nagkalainlaing paagi nga ang katawhan ni Jehova nagasuportar sa buluhaton sa Gingharian.
20 min: “Paneguroa nga Mobalikduaw.” Pangutanag tubag nga panaghisgot. Ipakita ang naandam pag-ayong pasundayag nga nagkobre sa impormasyon nga gitagad sa parapo 6. Ipatugbaw ang panginahanglan nga mobalikduaw sa interesadong mga tawo nga nakontak nga mas sayo pa sa bulan.
15 min: Lokal nga mga panginahanglan. O pakigpulong pinaagig ansiyano sa “Nganong Sayon ra Kaayong Mamakak?” sa Disyembre 15, 1992, nga gula sa Ang Bantayanang Torre, mga panid 21-3.
Awit 54 ug paniklop nga pag-ampo.
Semana sa Hunyo 28–Hulyo 4
5 min: Lokal nga mga pahibalo. Teokratikanhong mga Balita. Pahinumdomi ang mga igsoon sa pagtaho dayon sa kataposan sa Hunyo ug mokuhag mga suplay sa librong Labing Bantogang Tawo alang sa tanyag sa basahon sa Hulyo.
15 min: “Mga Batan-on—Sa Kahanas Dumalaha ang Inyong mga Tikang.” Pangutanag tubag nga pagkobre sa materyal. Human sa parapo 3, himoang mubong pasundayag uban sa mas batan-ong magmamantala nga nagahangyo sa mas edaran sa pagkuyog kaniya diha sa pagsangyaw. Ang edarang magmamantala malipayong midawat ug misugyot nga ilang repasohon ang ilang mga presentasyon una pa duyog nga mosangyaw.
15 min: Ang Kahinungdanon sa Espirituwalidad sa Pamilya. Pakigpulong pinaagig ansiyano. Hisgoti ang panginahanglan alang sa pamilya sa pagtagad sa inadlaw nga teksto, nga nagalaraw kon sa unsang paagi kini mahimong dumalahon ubos sa nagkalainlaing mga sirkumstansiya ug mga eskedyol sa pamilya. Ipasiugda usab ang panginahanglan alang sa pag-ampo sa pamilya labing menos kausa sa usa ka adlaw. Kini mahimo tingali sa dayong pagkatulog. Ang samang mga prinsipyo mapadapat sa nabahing mga panimalay, tagsaanong-ginikanan nga mga pamilya, ug mga pamilya nga walay anak. Ang pangandam sa pamilya nagadula usab ug bahin sa pagkuha sa labing maayo gikan sa mga tigom sa kongregasyon kada semana ug ang pagkahimong makaarang sa paglig-on sa pagtuo sa uban usab.—Heb. 10:23-25.
10 min: “Pagkainanak Pag-usab.” Librong Nangatarongan, mga panid 305-8 (p. 76-80 sa Ingles). Pasundayag sa duha ka magmamantala nga nakahibalag sa usa sa balaybalay nga buluhaton kinsa misukna, “Ikaw ba gianak na pag-usab?” Ang mga magmamantala misanong diha sa usa sa mga paagi nga gisugyot sa panid 308 (p. 79-80 sa Ingles). Human niana, ang mga magmamantala magahisgot sa paghimog balikduaw nga magagamit sa mga puntos gikan sa mga kasulatan sa mga parapo 1-3 sa panid 306 (p. 78 sa Ingles).
Awit 223 ug paniklop nga pag-ampo.