Ang Yearbook—Usa ka Tipiganan sa Pagpalig-on
1 Ang mga taho ug mga kasinatian mahitungod sa kahibulongang mga buhat ni Jehova kanunay gayong nakarepresko sa mga alagad sa Diyos. (Job 38:4, 7; Prov. 25:25; Luc. 7:22; Buh. 15:31) Maoy hinungdan nga ang Yearbook of Jehovah’s Witnesses maoy usa ka tipiganan sa pagpalig-on.
2 Ang kada Yearbook nagatanyag ug mga taho gikan sa tibuok kalibotan bahin sa mga kalihokan sa mga Saksi ni Jehova. Ang makapalig-ong mga kasinatian nagapatugbaw sa paggiya ni Jehova, panalipod, ug panalangin sa iyang katawhan. Ang Yearbook nagasugilon sa maisogong mga lalaki ug babaye nga mibiya sa pamilya, mga higala, ug yutang-natawhan aron pagdala sa mga kamatuoran sa Bibliya ngadto sa mga katawhan sa tanang kontinente.
3 Ang Yearbook nakapalihok sa daghang magbabasa sa pagpauswag sa ilang pag-alagad sa Diyos. Usa ka magbabasa misulat: “Dili ko makapaspas pagbasa niini. Ang akong nabasa hangtod karon makapadasig kaayo. Kini nagpabati kanako nga ako makabuhat ug labaw pa diha sa pagsangyaw sa maayong balita sa dihang akong nakita kon unsa ang ginabuhat sa uban ubos sa pagpit-os.”
4 Sa matag tuig sukad sa 1927, ang Yearbook of Jehovah’s Witnesses nahimong usa ka tinuod nga tipiganan sa makapadasig nga mga taho ug mga kasinatian. Nagapahimulos ka ba sa bug-os gikan niining talagsaong tinubdan sa pagpalig-on? Sa pagbuhat niana, paneguroang mobasa sa Yearbook sa dihang una mo kining makuha, nga lagmit sa Enero o sayo sa Pebrero. Unya sa tibuok tuig, repasoha ang espesipikong mga bahin niini alang sa pagdasig nga gikinahanglan nimo ug sa imong pamilya.