Ministeryal Pagbansay nga Tunghaan
1 Sa 1993 Yearbook, sa mga panid 26 ug 27, gikataho nga ang mga kahikayan ginahimo sa pagpalapad sa mga benepisyo sa Ministeryal Pagbansay nga Tunghaan ngadto sa ubang kayutaan. Among ikalipay sa pagpahibalo nga kining mga benepisyoha magsugod nga mabatonan sa Pilipinas sa bulan sa Enero.
2 Sa Enero 6, 24 ka estudyante alang sa unang klase sa Pilipinas moabot aron pagpalista, ug ang tunghaan mismo magsugod sa Lunes, Enero 10. Ang tunghaan himoon sa Bethel ug mokabat sa walo ka semana hangtod sa Marso 5, 1994.
3 Ang di-minyo nga mga ansiyano ug ministeryal nga mga alagad kinsa interesado sa pagtambong sa tunghaan makatambong sa usa ka miting uban sa magtatan-aw sa sirkito ug distrito sa sirkitong asembliya. Kinahanglang sila maoy mga igsoong lalaki nga walay pamilya o mga obligasyon sa panalapi ug makahimo gayod sa pagbasa ug pagsulti nga larino sa Ingles. Ang dugang impormasyon sa katuyoan sa tunghaan ug mga kinahanglanon nga kinahanglang maabot aron takos nga malista ihatag sa sirkitong asembliya.
4 Sukad sa pagsugod sa Ministeryal Pagbansay nga Tunghaan sa Estados Unidos sa 1987, ang Yearbook nagdalag mubong mga taho sa kauswagan sa tunghaan ug nagpakita kon sa unsang paagi ang mga graduwado mas maayong nasangkapan sa pag-atiman sa mga kaakohan ug asaynment nga gihatag kanila. Daghan ang mobalik sa ilang kaugalingong kongregasyon, diin ilang mapadapat ang ilang nakat-onan ug pagtabang usab sa uban sa pagdumala sa ilang mga kaakohan. Ang pipila mahimong hangyoon sa pag-abag sa ubang mga kongregasyon nga may dakong panginahanglan.
5 Usa gayod ka pribilehiyo alang sa Pilipinas sa pagpahigayon niana nga tunghaan ug kami makaseguro nga kini makaamot ug dako sa umaabot nga tingusbawan ug espirituwalidad niining nasora.