Mga Pahibalo
▪ Tanyag nga basahon sa Enero: CEBUANO, ILOKO, PANGASINAN, UG TAGALOG: Ang Labing Bantogang Tawo nga Nabuhi Sukad sa ₱60.00. BICOL: The Truth That Leads to Eternal Life sa ₱4.00. CHINESE: Your Youth—Getting the Best Out of It; Good News to Make You Happy; o Survival Into a New Earth sa ₱4.00. HILIGAYNON UG SAMAR-LEYTE: Good News to Make You Happy sa ₱4.00. Pebrero: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. Marso: Pinadayag—Hingpit nga Sangkoanan Niini Haduol Na! sa ₱60.00. Abril ug Mayo: Usa ka tuig nga suskrisyon sa Ang Bantayanang Torre sa ₱80.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod nga binulang Literature Request Form (S-14).
▪ Ingon sa gipakita sa itaas, niining bulana kita magatanyag sa pipila ka daandaang libro sa kunhod nga bili sa tinong mga pinulongan. Palihog matikdi nga kadto lamang mga basahon nga nalista sa itaas ang angayng itanyag diha sa kunhod nga bili sa ₱4.00. Ang mga payunir makakuhag mga kopya sa ₱1.00 kada usa. Ang mga kongregasyon makahangyog kunhod alang sa mga payunir ug mga magmamantala sa dihang nagapadala sa ilang Remittance and Credit Request nga porma (S-20) sa kataposan sa Enero.
▪ Sa Bicol, ingon sa gisugyot sa Disyembre nga Atong Ministeryo sa Gingharian, among gidasig ang tanan sa pagtanyag sa librong Truth sa espesyal nga kantidad kauban sa “Look!” nga brosyur sa amot nga ₱10.00.
▪ Ang Enero maoy panahon sa pagbag-o sa atong Medical Directives ug Identity Cards alang sa 1994. Usab, ang tanang bag-ong nabawtismohan nga mga membro sa kongregasyon kinahanglang tagan-an ug kard, maingon man ang di-bawtismadong menor-de-edad nga mga anak sa mga Saksing ginikanan. Palihog repasohon sa sekretaryo ang sulat ngadto sa tanang kongregasyon penetsahag Nobyembre 1, 1991 kon unsaon pagpil-ap niining maong mga kard, ug paghatag sa tanang nanginahanglan niana uban ang mga kard. Kon kinahanglanon, pag-order ug dugang sa Sosyedad.
▪ Ang kasaulogan sa Memoryal himoon sa Sabado, Marso 26, 1994, human sa pagsalop sa adlaw. Bisan pag masugdan ang pakigpulong nga sayosayo, palihog hinumdomi nga ang pagpasa sa tinapay ug bino sa Memoryal dili gayod magsugod hangtod human sa pagsalop sa adlaw. Walay laing mga tigom nga angayng himoon nianang adlawa. Ang bisan unsang mga tigom nga kasagaran ginahimo nianang adlawa kinahanglang ieskedyol sa laing adlaw nianang semanaha. Ang mga imbitasyon sa Memoryal ipadala ngadto sa mga kongregasyon sa dihang mapatik na.
▪ Ang espesyal nga pahayag publiko sa 1994 ipakigpulong sa tibuok kalibotan sa Domingo, Abril 10. Ang ulohan maoy “Ang Relihiyon ba Nagapakyas sa Tawhanong Sosyedad?” Ang usa ka outline itagana sa nagakaigong panahon. Ang mga kongregasyon nga may duaw sa magtatan-aw sa sirkito, o espesyal adlaw nga asembliya niana nga hinaposan sa semana maghimo sa ilang espesyal nga pakigpulong sa sunod semana. Walay kongregasyon nga maghimo sa espesyal nga pakigpulong una pa ang Abril 10.
▪ Bag-ong Eskedyol sa Pagtuon sa Libro sa Kongregasyon: Sugod sa semana sa Marso 7-13, 1994, ang Cebuano, Iloko, ug Tagalog nga mga kongregasyon magsugod sa pagtuon sa librong Paghimo sa Imong Pamilyahanong Kinabuhi nga Malipayon diha sa mga pagtuon sa libro sa kongregasyon. Ang tanang kongregasyon kinahanglang magpadala sa ilang mga order dihadiha aron adunay igo nga mabatonan nga magamit sa mga igsoon alang sa pagtuon. Ang materyal himoong serye diha sa Hiligaynon nga Awake! aron magamit sa mga kongregasyon nga Hiligaynon, sugod sa Pebrero 8, 1994 nga gula, busa angay nga tinoon nila nga may igong order sa Awake! nga mga magasin alang sa matag igsoon nga may usa ka kopya nga magamit sa pagtuon sa libro sa kongregasyon.
▪ Upat-Kolor nga mga Magasin: Sugod sa Enero 1 ug 8, 1994 nga mga gula, Ang Bantayanang Torre ug Pagmata! patikon na sa upat ka kolor sa Pilipinas. Ang mga sanga sa Switzerland ug Denmark nagdonar sa tulo ka makinang pang-imprinta sa sanga sa Pilipinas alang niining tuyoa. Among mapaneguro nga ang tanan magapakitag apresasyon pinaagig dugang pa gayong masibotong pagpanagtag sa atong matahom ug nagahatag-kinabuhi nga mga magasin.