Mga Pahibalo
◼ Tanyag nga basahon sa Enero: Pagpangita sa Katawhan sa Diyos sa ₱30.00 o Matuod nga Kalinaw ug Kasegurohan sa ₱20.00. Pebrero: Ikaw Mabuhing Walay Kataposan sa Paraiso sa Yuta, dakong edisyon sa ₱60.00, gamayng edisyon sa ₱30.00. Marso: Pinadayag—Hingpit nga Sangkoanan Niini Haduol Na! sa ₱60.00. Abril ug Mayo: Usa ka tuig nga suskrisyon sa Ang Bantayanang Torre sa ₱80.00. MATIKDI: Ang mga kongregasyong wala pa makapedido sa gihisgotan-itaas nga mga basahong igtatanyag magahimo niana diha sa ilang sunod binulang Literature Order Form (S-AB-14).
◼ Ang Enero mao ang panahon sa pagbag-o sa atong Medical Directives ug Identity nga mga kard sa 1995. Usab, ang tanang bag-ong bawtismadong mga membro sa kongregasyon kinahanglang tagan-an ug usa ka kard, ingon man ang dili-bawtismadong menor-de-edad nga mga anak sa mga ginikanang Saksi. Palihog nga ang sekretaryo magsubli sa sulat ngadto sa tanang kongregasyon nga napetsahag Nobyembre 1, 1991 kon unsaon pagpil-ap niining maong mga kard, ug hatagan ang tanang nagkinahanglan niana. Kon gikinahanglan, pag-order ug dugang sa Sosyedad.
◼ Ang kasaulogan sa Memoryal himoon sa Biyernes, Abril 14, 1995, human sa pagsalop sa adlaw. Bisan pag masugdan ang pakigpulong nga sayosayo, palihog hinumdomi nga ang pagpasa sa tinapay ug bino sa Memoryal dili gayod magsugod hangtod human sa pagsalop sa adlaw. Walay laing mga tigom nga angayng himoon nianang adlawa. Ang bisan unsang mga tigom nga kasagaran ginahimo nianang adlawa kinahanglang ieskedyol sa laing adlaw nianang semanaha. Ang mga imbitasyon sa Memoryal ipadala ngadto sa mga kongregasyon sa dihang mapatik na.
◼ Ang espesyal nga pahayag publiko sa 1995 ipakigpulong sa tibuok kalibotan sa Domingo, Abril 23. Ang ulohan maoy “Ang Kataposan sa Bakak nga Relihiyon Nagakahiduol Na.” Ang usa ka outline itagana sa nagakaigong panahon. Ang mga kongregasyon nga may duaw sa magtatan-aw sa sirkito, usa ka sirkitong asembliya, o espesyal adlaw nga asembliya niana nga hinaposan sa semana maghimo sa ilang espesyal nga pakigpulong sa sunod semana, sa Abril 30. Walay kongregasyon nga maghimo sa espesyal nga pakigpulong una pa ang Abril 23.
◼ Ingon sa napahibalo na sa miagi, ang librong Pinadayag pagatun-an sa tanang Cebuano, Iloko, ug Tagalog nga kongregasyon sugod sa semana sa Enero 30 ngadto sa Pebrero 5, 1995. Ang materyal himoong serye diha sa Hiligaynon nga Awake! aron gamiton sa Hiligaynon nga mga kongregasyon, sugod sa Enero 8, 1995 nga gula.
◼ Ang Watchtower Library—1993 Edition mabatonan na karon diha sa CD-ROM aron gamiton uban ang mga kompeyuter. Kini maoy usa ka compact disc with read-only memory. Kini magatugot sa usa sa pagtan-aw diha sa usa ka kompeyuter sa bisan unsang reperensiya gikan sa New World Translation, sa Insight nga mga tomo, The Watchtower (1950-93), Awake! (1980-93), Watch Tower Publications Indexes (1930-93), Our Kingdom Ministry (1970-93) ug daghan uban pang libro, mga pulyeto, mga brosyur, ug mga tracts nga gipatik sukad 1970. Ang CD-ROM nagalakip sa gidesinyo-Sosyedad nga programa sa pagtabang kanimo sa pagpangdukiduki niining mga basahona. (Tan-awang Pagmata! sa Abril 22, 1994, panid 23.) Aron magamit kining maong compact disk, ang mosunod mao ang gikinahanglan: IBM PC-compatible nga kompeyuter uban sa usa ka 80386 o faster microprocessor; usa ka CD-ROM drive nga nainstalar o nakonektar; usa ka minimum of two megabytes of RAM (upat ka megabytes sa RAM ang girekomendar); tulo ka megabytes sa free hard disk space; usa ka VGA o higher resolution color o monochrome monitor; Windows 3.1 or later, running in enhanced mode. Alang kanilang may kahimanan nianang sa itaas, ang Watchtower Library mabatonan sa ₱300.00 ngadto sa mga magmamantala ug mga payunir. Nakadawat kami ug limitado lamang niini, apan gidahom namong moabot pa ang dugang suplay. Kon mahurot na ang unang suplay, among ipadala ang nahibiling mga order sa dihang moabot na ang bag-ong suplay.
◼ Bag-ong Basahon nga Mabatonan:
Watch Tower Publications Index 1991-1993 (Magmamantala: ₱25.00; payunir: ₱20.00)—Ingles