Ipakitang Pagtagad sa Uban—Bahin 1
1 Kita nagamaya sa pagtan-aw sa pagtubo sa katawhan ni Jehova, nga misangpot sa pagdugang ug daghan pang mga kongregasyon. Sa pipila ka dapit, ilabina sa dagkong mga siyudad, ang pipila ka kongregasyon kinahanglang mogamit sa samang Kingdom Hall. Kining kahimtanga nagakinahanglag dugang konsiderasyon diha sa bahin sa tanang nalangkit.
2 Ang matag kongregasyon nga nagagamit sa Kingdom Hall angayng magbiya niana nga mahinlo ug mahapsay nga kahimtang alang sa mga igsoon nga sunod nga moabot. Ang mga lingkoranan angayng mahinlo nang pagkahikay, ang bisan unsang basahon nga anaa sa lamesa angayng hiposon, ug ang bisan unsang personal nga mga butang nga nahibilin sa Kingdom Hall kinahanglang kolektahon. Ang kasilyas kinahanglang biyaan nga anaa sa mahinlong kahimtang, nga nagasegurong ang gikinahanglang mga suplay gitagana ug ang mga basurahan nabasiyo na.
3 Kon ang laing tigom gieskedyol nga magsugod sa di-madugay, kadtong nahibilin human sa sayosayo nga tigom dili angayng magalangan. Ang dugayng sosyal nga panaghisgot hayan moresultag panagdasok ug makalangan sa mga igsoon nga magapangandam alang sa sunod nga tigom. Ang parkinganan mahimong limitado, ug maoy usa ka kalolot ang untop nga pagbiya aron nga kadtong moabot adunay kaparkingan. Sa laing bahin, kadtong motambong sa sunod nga tigom angayng dili moabot nga sayo ra kaayo, nga makapahinabog wala kinahanglanang pagkahuot sa dapit parkingan ug sa gawas sa Kingdom Hall.
4 Diin ang pipila ka kongregasyon ang nalangkit, adunay espesyal nga panginahanglan alang sa suod nga kooperasyon sa paghikay sa senemanang paghinlo sa Kingdom Hall. Sagad, ang mga kongregasyon magpulipuli sa paghinlo sa Kingdom Hall sulod sa usa ka gitagal nga panahon. Sa dihang ang inyong kongregasyon anaa nianang maong kaakohan, seguroa nga ang paghinlo gihimo sa bug-os ug walay langan aron nga ang ubang kongregasyon nga nagagamit sa tigomanan walay katarongan sa pagbagulbol.
5 Usahay mahimong may panginahanglan sa mga kongregasyon sa pag-usab sa mga panahon sa tigom sulod sa duaw sa magtatan-aw sa sirkito. Kon naapektohan ang laing kongregasyon, ang mga ansiyano angayng magpahibalo sa ubang kongregasyon nga abante kaayo aron nga ilang mapahibalo ang ilang mga magmamantala sa labing sayong maarangan. Usab, kon ang pipila ka awtorisadong kalihokan, sama sa Tunghaan sa Payunir nga Pag-alagad, miting sa tanang ansiyano sa sirkito, o usa ka kasal, ang gieskedyol, ang ubang kongregasyon ug bisan kinsang mga magtatan-aw sa sirkito nga maapektohan angayng konsultahon nga abante pa kaayo aron nga sila dili mag-eskedyol sa paggamit sa Kingdom Hall sa samang panahon.
6 Adunay pipila ka tigomanan nga gigamit sa mga kongregasyon naasayn sa lainlaing mga sirkito. Maoy hinungdanon nga ang mga nagapanawng magtatan-aw nga nagaduaw niining maong mga tigomanan magpahibal-anay sa usag usa bahin sa umaabot nga mga duaw nga gieskedyol. Ang kataposang-minuto nga mga pagpasibo o ubang mga kalisdanan mosangpot kon ang duha ka nagapanawng magtatan-aw mag-eskedyol ug mga duaw sa samang semana.
7 Ang mahigugmaong konsiderasyon sa uban, uban sa maayong abanteng pagplano ug kooperasyon, makatabang sa paghupot ug mainitong relasyon tali sa mga kongregasyon ug magseguro nga “ipahinabo ang tanang butang nga may kahapsay ug pinaagig kahikayan.”—1 Cor. 14:40.