Mga Tigom sa Pag-alagad Alang sa Hunyo
Semana sa Hunyo 5-11
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian.
15 min: “Si Jehova Nagahatag ug Gahom.” Pangutanag tubag. Iasoy ang kasinatian diha sa Pebrero 1, 1992, nga Bantayanang Torre, panid 32.
20 min: “Si Jehova ang Atong Maglalalang.” Hisgoti uban sa mamiminaw. Ipasundayag ang duha ka demonstrasyon nga nagapakita kon unsaon paggamit ang sinugyot nga mga presentasyon. Ilakip ang pipila ka mubong mga sugyot bahin sa kon unsaon paghimog balikduaw, pagpaloap sa mga napahimutang nga Kingdom News nga napanagtag sa Abril ug Mayo.
Awit 17 ug paniklop nga pag-ampo.
Semana sa Hunyo 12-18
10 min: Lokal nga mga pahibalo. Taho sa kuwenta.
17 min: “Si Kristo Ingong Sumbanan sa mga Batan-on.” Pangutanag tubag. Ilakip ang pipila ka komento bahin niining ulohana gikan sa Septiyembre 1, 1986, nga Bantayanang Torre, mga panid 4-6.
18 min: “Tabangi Sila nga Walay Pagtuo.” Ang tagdumala sa Pagtuon sa Libro sa Kongregasyon magarepaso sa artikulo uban sa duha o tulo ka magmamantala ug unya magahisgot kon unsaon paggamit ang materyal. Sila magpraktis pinaagig pagpasundayag sa ilang mga presentasyon sa usag usa.
Awit 122 ug paniklop nga pag-ampo.
Semana sa Hunyo 19-25
10 min: Lokal nga mga pahibalo.
18 min: Ihatag ang Pag-ila sa Uban. Pakigpulong pinaagig ansiyano, nga gipasukad sa Disyembre 1, 1994, nga Bantayanang Torre, mga panid 28-30. Ipasiugda ang panginahanglan sa pagpakitag pasidungog ug mahigugmaong kabalaka alang sa uban diha sa kongregasyon.
17 min: “Gamitag Maayo ang Imong Panahon.” Pangutanag tubag. Mahitungod sa panahon nga nagugol sa pagtan-awg TV, repasoha ang mga sugyot ubos sa sub-ulohang “Pagkontrolar,” sa panid 11 sa Mayo 22, 1991, nga Pagmata!
Awit 208 ug paniklop nga pag-ampo.
Semana sa Hunyo 26-Hulyo 2
15 min: Lokal nga mga pahibalo. Sa mubo hisgoti ang kahinungdanon sa paghimong mga balikduaw: Ang dakong bahin sa atong pagtudlong buluhaton nahimo kon kita mobalik aron pag-ugmad sa interes. Pipila ra ka tawo ang mouswag sa espirituwal pinaagi lamang sa literatura. Kon dili kita magbalikduaw, kita mapakyas sa atong labing maayong kahigayonan sa pagtabang kanila. Ang mga balikduaw nagapatunghag mga pagtuon sa Bibliya. Daghang magmamantala nakakuhag labing maayong mga resulta pinaagig pagbalik sulod sa usa o duha ka adlaw inay kay maghulat ug usa ka semana.—Tan-awa ang librong Atong Ministeryo, mga panid 88-9.
12 min: Pangutana. Pangutanag tubag. Himoang dugang mga komento nga gipasukad sa Giya sa Tunghaan, mga panid 91-2.
18 min: Repasoha ang tanyag nga basahon sa Hulyo. Hisgoti ang talagsaong mga bahin sa mga brosyur nga anaa sa panudlanan sa kongregasyon. Sa mubo ipasundayag sa mga magmamantala kon sa unsang paagi kini ikatanyag diha sa ganghaan. Mga pananglitan: Tinuod Bang May Pagtagad ang Diyos Kanato? (Paklia ngadto sa mga panid 26-7, ipunting ang mga ilustrasyon, ug hisgoti ang usa sa mga kasulatan bahin sa umaabot nga Paraiso.) Unsa ang Katuyoan sa Kinabuhi? (Paklia ngadto sa mga panid 30-1, tagda ang usa sa kinutlong mga kasulatan, ug hisgoti ang ilustrasyon.) Sa Dihang ang Imong Minahal Mamatay. (Dalhang pagtagad sa mga pangutana nga gipatungha sa panid 2, ug unya komentohi ang usa o duha ka makahupay nga Kasulatanhong mga panghunahuna nga makaplagan sa panid 31.) Ipahibalo sa kongregasyon kon unsang mga brosyur ang anaa karon sa panudlanan.
Awit 225 ug paniklop nga pag-ampo.