Mga Tigom sa Pag-alagad Alang sa Disyembre
Semana sa Disyembre 4-10
10 min: Lokal nga mga pahibalo ug piniling Mga Pahibalo gikan sa Atong Ministeryo sa Gingharian. Hatagig espesyal nga pasiugda ang ikatulong pahibalo sa panid 7 bahin sa pakig-ambit sa pag-alagad nga sayo sa Disyembre ug tinoon nga ang mga taho makuha na sa dili pa mobiya alang sa distritong kombensiyon.
15 min: “Dayega si Jehova sa Adlaw-Adlaw.” Pangutanag tubag. Ipabasa ang mga parapo. Ipaasoy sa usa o duha ka magmamantala ang makapadasig nga mga kasinatian nga natagamtam samtang nagsangyaw sa di-pormal nga paagi.
20 min: “Pagtanyag sa Labing Bantogang Tawo nga Nabuhi Sukad.” Repasoha ang gisugyot nga mga presentasyon, ug ipasundayag ang usa o duha niini.
Awit 224 ug paniklop nga pag-ampo.
Semana sa Disyembre 11-17
13 min: Lokal nga mga pahibalo. Taho sa kuwenta. Sa mubo repasoha ang pipila ka rason kon nganong kinahanglan kitang magplano alang sa bug-os ug makahuloganong pakig-ambit sa pag-alagad sa kanataran. Inay kay limitehan ang atong kaugalingon sa usa ka oras o maingon-ingon niana sa dihang mosangyaw, nganong dili hikayon nga makapabilin sa pagsangyaw ngadto sa duha o kapin pa ka oras kon posible? Ang kalamposan kasagaran nagadepende sa pagplanog mga balikduaw nga abante pa ug sa paghikay nga makakuyog sa uban kinsa nagaplano usab nga padayong magsangyaw sa duha ka oras o labaw pa.
15 min: Lokal nga mga panginahanglan. O usa ka pakigpulong pinasukad sa artikulong “Ang mga Ganti sa Pagkamalahutayon,” gikan sa Agosto 1, 1995, Bantayanang Torre, mga panid 25-9.
17 min: “Pangandam ug Tagamtama ang mga Tigom sa Kongregasyon.” Pakigpulong ug panaghisgot. Dapita ang usa o duha ka magmamantala sa pag-asoy kon unsa ang ilang gihimo nga nakatabang nila sa pagtagamtam sa mga tigom ug pagkuha sa bug-os nga benepisyo gikan niana.
Awit 28 ug paniklop nga pag-ampo.
Semana sa Disyembre 18-24
10 min: Lokal nga mga pahibalo. Maghatag ug pipila ka sugyot kon unsaon sa pagtubag nga mataktikanhon sa mga pagtimbaya sa mga piyesta opisyal. Ipahibalo ang espesyal nga mga kahikayan sa pagsangyaw alang sa Disyembre 25.
15 min: “Palamdaga ang Atong Kahayag nga Mapadayonon.” Pangutanag tubag nga pagkobre sa mga parapo 1-9 sa suplemento.
20 min: “Balika Silang Nagpakitag Interes.” Repasohang gisugyot nga mga presentasyon, ug maghimog duha ka mugbong pasundayag. Dasiga ang tanan sa paghimog mga balikduaw uban ang tumong nga makasugod ug pagtuon sa Labing Bantogang Tawo nga libro.
Awit 44 ug paniklop nga pag-ampo.
Semana sa Disyembre 25-31
10 min: Lokal nga mga pahibalo. Ipahibalo ang linaing mga kahikayan sa pagsangyaw alang sa Enero 1. Usab repasoha ang artikulo, “Bag-ong Sirkitong Asembliyang Programa.”
15 min: Pagtanyag sa Pagpangita sa Katawhan sa Diyos sa Enero. Repasoha ang dagkong mga puntos sa libro nga mahimong magamit sa pagpukaw sa interes taliwala sa lainlaing matang sa katawhan. Ipasundayag ang usa ka yanong presentasyon. Kon ang inyong kongregasyon adunay daghang suplay sa Matuod nga Kalinaw ug Kasegurohan nga mga libro, mahimong kini sa baylo ang itanyag, ug ang igsusulting mga puntos gikan niining libroha mahimong mahisgotan ug mapasundayag.
20 min: “Palamdaga ang Atong Kahayag nga Mapadayonon.” Pagtagad sa mga parapo 10 ngadto sa 19 sa suplemento. Human sa mubong pasiuna, ipasaysay sa ansiyano sa pipila ka takos nga mga magmamantala o mga payunir ang mga kasinatian sa parapo 10 hangtod sa 14 sa suplemento. Ang mga parapo 15 ngadto sa 19 mahimong dumalahon pinaagig pangutanag tubag. Dumalahon sa magtatan-aw sa pag-alagad kon mahimo.
Awit 3 ug paniklop nga pag-ampo.