Mga Pahibalo
◼ Tanyag nga basahon sa Enero: Pagpangita sa Katawhan sa Diyos sa ₱30.00 o Matuod nga Kalinaw ug Kasegurohan sa ₱20.00. Pebrero: Pinadayag—Hingpit nga Sangkoanan Niini Haduol Na! sa ₱60.00. Marso: Bag-ong publikasyon nga pagaluwatan sa distritong mga kombensiyon. Abril ug Mayo: Usa ka tuig nga suskrisyon sa Ang Bantayanang Torre sa ₱120.00. MATIKDI: Ang mga kongregasyong wala pa makapedido sa mga basahong gihisgotan sa itaas kinahanglang maghimo niini sa ilang sunod binulang Literature Order Form (S-AB-14).
◼ Ang Enero maoy panahon sa pagbag-o sa atong Medical Directives ug Identity Cards para sa 1996. Usab, ang tanang bag-ong bawtismadong mga membro sa kongregasyon kinahanglang tagan-an ug usa ka kard, maingon man ang di-bawtismadong menor nga mga bata sa Saksing mga ginikanan. Sublion palihog sa sekretaryo ang sulat ngadto sa tanang kongregasyon nga napetsahag Nobyembre 1, 1991 kon unsaon sa pagsulat niining maong mga kard, ug motagana sa tanan nga nanginahanglan niini uban sa mga kard diha sa Tigom sa Pag-alagad sa semana sa Enero 8-14. Kon gikinahanglan, mag-order ug dugang mga kard gikan sa Sosyedad.
◼ Ang saulog sa Memoryal pagahimoon sa Martes, Abril 2, 1996, human sa pagsalop sa adlaw. Bisan tuod ikahatag ang pahayag nga sayo pa, palihog hinumdomi nga ang pagpasa sa tinapay ug bino sa Memoryal dili gayod mosugod hangtod sa pagkahuman sa pagsalop sa adlaw. Walay ubang mga tigom ang himoon sa maong adlaw. Ang bisan unsang mga tigom nga sagad gihimo sa maong adlaw kinahanglang ieskedyul sa laing adlaw nianang semana. Ang mga imbitasyon sa Memoryal ipadala ngadto sa mga kongregasyon sa dihang mapatik na ug pabayran ug ₱35.00 ang kada 1,000 ka kopya.
◼ Ang espesyal nga pakigpulong publiko para sa 1996 ipahayag sa tibuok kalibotan sa Dominggo, Abril 21, 1996. Ang ulohan maoy “Remaining Blameless Amid a Crooked Generation.” Sa igong panahon ang usa ka laraw igatagana. Ang mga kongregasyon nga adunay duaw sa magtatan-aw sa sirkito, usa ka sirkitong asembliya, o espesyal nga adlawng asembliya nianang hinapos nga semana mohimo sa espesyal nga pakigpulong sa sunod nga semana, sa Abril 28. Walay kongregasyon nga mohimo sa maong espesyal nga pahayag antes ang Abril 21.
◼ Di pa dugay among gipadala ang upat ka kopya sa bag-ong Watch Tower Publications List ngadto sa matag kongregasyon. Ang usa ka kopya maoy alang sa sekretaryo, usa para sa alagad sa mga kuwenta, ug ang usa alang kanilang nagadumala sa literatura ug mga magasin. Palihog tinoon kini pag-ayo ug matikdi ang pag-uswag sa mga prisyo sa piniling espesyal-hangyo nga mga aytem sama sa deluxe nga mga Bibliya, dagkog-letrang mga Bibliya, mga kalendaryo, ug audiocassettes.