MGA TIGOM SA PAG-ALAGAD ALANG SA ABRIL
Semana sa Abril 1-7
10 min: Lokal nga mga pahibalo ug Mga Pahibalo sa Atong Ministeryo sa Gingharian. Hisgoti ang bisan unsang talagsaong mga taho bahin sa inyong pagsaulog sa Memoryal.
20 min: “Mahimong ‘Masiboton sa Maayong mga Buhat’ sa Abril!” Pangutanag tubag nga pagkobre sa mga parapo 1-10 pinaagig magtatan-aw sa pag-alagad. Isaysay (1) kon unsa ang giplano sa lokal alang sa pagpalapad sa pag-alagad sa kanataran sa Abril, (2) kon sa unsang paagi ang tanan mahimong matabangan nga moambit, ug (3) kon sa unsang paagi ang mga bag-ohan ug mga batan-on mahimong makaapil.
15 min: “Pangitaa Kadtong sa Husto Nahimutang.” Repasoha ang gisugyot nga mga presentasyon ug unya maghimog duha ka pasundayag nga nagapakita kon sa unsang paagi kana magamit. Sa itugot sa panahon, isaysay ang pipila ka sugyot sa pagtanyag sa mga magasin, nga anaa sa Enero 1996 Atong Ministeryo sa Gingharian, panid 5.
Awit 20 ug paniklop nga pag-ampo.
Semana sa Abril 8-14
15 min: Lokal nga mga pahibalo. Taho sa kuwenta; hisgoting mga balos-pasalamat sa donasyon nga nadawat gikan sa Sosyedad. Hisgoting praktikal nga mga paagi nga atong matabangan ang mga bag-ohan kinsa mitambong sa Memoryal aron sa paghimog dugang espirituwal nga pag-uswag. Repasohang Abril 1, 1991, Bantayanang Torre, panid 9-12.
15 min: “Himoa ang Sagradong Pag-alagad Adlaw ug Gabii.” Pangutanag Tubag. Basaha ang mga parapo 5 ug 6.
15 min: “Mahimong ‘Masiboton sa Maayong mga Buhat’ sa Abril!” Pangutanag tubag nga pagkobre sa mga parapo 11-15. Dasigang tanan sa pagtuon sa ilang personal nga sirkumstanya ug mangitag mga paagi sa pagdugang sa ilang pag-abag alang sa ministeryo sa kanataran.
Awit 113 ug paniklop nga pag-ampo.
Semana sa Abril 15-21
10 min: Lokal nga mga pahibalo. Pahinumdomi ang mga tigpaminaw bahin sa linaing pakigpulong publiko sa Abril 21, nga nag-ulohang “Pagpabiling Walay Lama Taliwala sa Baliko nga Kaliwatan.” Dasiga ang paghimog dugang paningkamot sa pagtabang sa tanang makatambong.
15 min: “Ang mga Panahon Nausab Na.” Pangutanag tubag. Ipasiugda ang pagtanyag sa mensahe sa Gingharian sa usa ka paagi nga maabot ang tuman gayong mga panginahanglan sa katawhan. Isugyot ang pipila ka pamilyahanon, emosyonal, ug sosyal nga mga isyu nga anaa sa mga hunahuna sa daghang tawo, sama sa gitala diha sa Enero 1, 1994, Bantayanang Torre, panid 22-3.
20 min: “Pagtuo Mosunod sa Butang Nadungog.” Hisgoti kon sa unsang paagi ang napahimutang nga mga magasin magamit sa pag-ugmad sa interes nga motultol sa mga pagtuon sa Bibliya diha sa Kahibalo nga libro. Ipasundayag ang duha o tulo ka presentasyon.
Awit 204 ug paniklop nga pag-ampo.
Semana sa Abril 22-28
15 min: Lokal nga mga pahibalo. Repasohang dagkong mga puntos sa espesyal nga pakigpulong nga gihatag sa miaging hinapos nga semana. Hisgoti kon sa unsang paagi kining pahimangnoa angayng magpalihok sa mga interesado sa pagbarog nga malig-on dapig sa matuod nga pagsimba. Usab, tagda ang “Padayong Magalambo sa Tukmang Kahibalo,” ug ipasiugda ang kahinungdanon sa pagtambong sa Pagtuon sa Libro sa Kongregasyon nga regular.
12 min: “Pangutana.” Usa ka pakigpulong pinaagig usa ka ansiyano. Isaysay kon nganong ang mga igsoong nagadumala sa mga tigom kinahanglang magalikay sa labihang kasuod pinaagig pagtawag sa mga indibiduwal, ginamit ang ilang unang mga ngalan lamang.
18 min: Panaghisgot tali sa usa ka ansiyano ug usa ka ministeryal nga alagd sa artikulong nag-ulohang “Diyosnong mga Pamilya Kanhi—Usa ka Sumbanan Alang sa Atong Adlaw,” makaplagan sa mga panid 20-3 sa Septiyembre 15, 1995, gula sa Ang Bantayanang Torre. Maghimog praktikal nga pagpadapat aron makabenepisyo ang mga pamilya sa lokal nga paagi.
Awit143 ug paniklop nga pag-ampo.
Semana sa Abril 29-Mayo 5
12 min: Lokal nga mga pahibalo. Ang pipila nagahulagway sa mga Saksi ni Jehova ingong usa ka “sekta” o “kulto,” nga nagapahisalaag sa uban bahin sa atong mga kalihokan ug mga katuyoan. Ginamit ang Nangatarongan nga libro, panid 376, (p. 202 sa Ingles), isaysay kon unsaon pagbuntog kining maong sumbong.
15 min: Paghatag ug Angayng Pagkobre sa atong Teritoryo. Pakigpulong pinaagig magtatan-aw sa pag-alagad. Ang nagkatag o lagyo nga mga dapit tingali panagsa rang makobrehan. Ang pipila tingali sa tinuyo maglikay sa pagkobre sa mga dapit diin dato ang mga tawo o relihiyoso kaayo. Ang mga teritoryong negosyohanan tingali napasagdan. Dasigang tanan nga mokooperar uban sa paningkamot sa pagkobre sa wala makobreng mga teritoryo . Ang mga bulan sa ting-init kasagaran nagataganag usa ka maayong kahigayonan sa pagkobre sa lagyong mga dapit sa kabangalayan. Paneguroa nga ang teritoryo bug-os nakobrehan sa dili pa kana ibalik. Itanyag ang ubang praktikal nga mga sugyot nga nagapakita kon sa unsang paagi ang tanan makatabang sa paghatag sa labing maayong pagkobre sa inyong teritoryo.
18 min: Itanyag ang Bantayanang Torre ug Pagmata! sa Mayo. Ipatugbaw ang indibiduwal nga mga kopya o mga suskrisyon. Hupti ang usa ka rekord sa tanang napahilunang mga magasin, uban sa tumong nga makatukod ug usa ka rota sa magasin. Ipasiugda ang mga kaayohan sa pagpanagtag ug magasin, ingong usa ka labing epektibong paaging mapadangat ang mensahe sa Gingharian sa publiko. Paneguroang aduna kitay suplay sa dihang moadto kita sa pagsangyaw; itanyag kini sa tanang kahigayonan. Ang personal nga mga kahikayan alang sa senemanang Adlaw sa Magasin maoy usa ka maayong paagi pagdugang sa mga mapahiluna. Ang pagkobre sa katindahanan ug pagsangyaw sa kadalanan uban ang mga magasin maoy mabongahon usab. Sundala ang interes uban sa mga balikduaw nga gidesinyo aron masugdan ang mga pagtuon, ginamit ang Kahibalo nga libro. Ipasundayag ang usa o duha ka presentasyon sa kinaulahiang mga isyu, tingali maggamit niadtong makaplagan diha sa Enero 1996 Atong Ministeryo sa Gingharian, panid 3, mga parapo 3-5; basahang parapo 6.
Awit 195 ug paniklop nga pag-ampo.