Mga Tigom sa Pag-alagad Alang sa Mayo
Semana sa Mayo 6-12
12 min: Lokal nga mga pahibalo ug Mga Pahibalo gikan sa Atong Ministeryo sa Gingharian. Repasohang “Unsay Imong mga Plano sa Panahong Bakasyon?”
15 min: “Magmatibuok-Kalag!” Pangutanag tubag.
18 min: “Isulti ang Kamatuoran sa Imong Silingan.” Pangutanag tubag. Repasohang gisugyot nga mga presentasyon, dayon ipasundayag ang duha niana.
Awit 148 ug paniklop nga pag-ampo.
Semana sa Mayo 13-19
7 min: Lokal nga mga pahibalo. Taho sa kuwenta.
18 min: “Aduna Kitay Espirituwal nga Kadagaya nga Wala Gayod Kanhi!” Pangutanag tubag. Ipasaysay sa duha o tulo ka magmamantala, lakip ang usa ka tin-edyer, ang pipila sa ilang mga panalangin.
20 min: Pakigpulong pinaagig usa ka ansiyano sa artikulong “Kon sa Unsang Paagi ang Kristohanong mga Magbalantay Nagaalagad Kanimo” diha sa Marso 15, 1996, isyu sa Ang Bantayanang Torre.
Awit 193 ug paniklop nga pag-ampo.
Semana sa Mayo 20-26
10 min: Lokal nga mga pahibalo. Dasigang tanan sa pakig-ambit sa pagpanagtag sa magasin, nga nagarepaso sa mga puntos sa kinaulahiang mga isyu.
15 min: “Padayong Isulti ang Kamatuoran.” Ipasiugda ang panginahanglang mohimog mga balikduaw bisan asa nga ang mga magasin napahiluna sa panahon sa espesyal nga kampanya, uban ang tumong nga makasugod ug mga pagtuon. Itanyag ang mga suskrisyon kanilang nagapakitag interes. Himoa ang duha ka mubong mga pasundayag.
20 min: Pakigpulong sa artikulong “Pagtan-aw Dili Lamang sa mga Butang nga Imong Makita!” diha sa Pebrero 15, 1996, isyu sa Ang Bantayanang Torre.
Awit 28 ug paniklop nga pag-ampo.
Semana sa Mayo 27–Hunyo 2
5 min: Lokal nga mga pahibalo.
15 min: Pagtanyag sa Kahibalo nga Motultol sa Kinabuhing Walay Kataposan sa Hunyo. Ang magtatan-aw sa pag-alagad magahisgot una kon nganong ang Kahibalo nga libro gipatik. Dayon iyang repasohon ang pipila sa dagkong puntos niini uban sa duha o tulo ka takos nga mga magmamantala. Ang libro nagatubag sa mga pangutana bahin sa atong kaugmaon, tawhanong pag-antos, Gingharian sa Diyos, diyosnong panggawi, panimalaynong kinabuhi, ug ang mga kaayohan sa pag-ampo. Ang duha nga di-pareho diha sa grupo magapasundayag sa paagi nga mahimong gamiton aron makasugod ug usa ka pagtuon diha sa unang duaw o sa usa ka balikduaw. Unya ang magtatan-aw sa pag-alagad magahisgot sa mosunod nga mga puntos. Adunay panginahanglan sa pagdumala ug mas epektibong mga pagtuon sa Bibliya diha sa mas mubong yugto sa panahon. Kining libroha espesyal nga gidesinyo alang nianang tumonga. Girekomendar nga ang paningkamot himoon sa pagkobre ug usa ka kapitulo sa matag semana aron nga ang maong libro makobrehan sa mga lima o unom ka bulan. Kasagaran wala kinahanglana nga ipasulod ang walay kalabotan nga materyal. Ang mga pangutana sa matag parapo, maingon man sa kataposan sa matag kapitulo, makatabang kanato sa pagpunting sa lintunganayng mga puntos. Ang libro nagakobre sa mga tubag sa mga pangutanang gisukna maylabot sa bag-ohang mga nagpahinungod kinsa buot nga mabawtismohan. Gilaoman, nga ang mga estudyante andam na alang sa bawtismo inigkahuman sa librong Kahibalo, nga dili na kinahanglang magtuon ug laing publikasyon. Dasigang tanan sa pagbuhat uban ang tumong sa pagsugod ug mga pagtuon sa Hunyo.
10 min: “Pangutana.” Basaha ug hisgoti uban ang tigpaminaw.
15 min: “Ikaw ba Puliki Kaayo?” Pangutanag tubag. Segun sa itugot sa panahon, ilakip ang mga komento gikan sa Hunyo 8, 1990, Pagmata!, mga panid 14-16. Ipasaysay sa usa o duha ka magmamantala kon unsa ang ilang nahimo sa malamposong pagsagubang sa usa ka puliki teokratikanhong eskedyul.
Awit 155 ug paniklop nga pag-ampo.