Mga Pahibalo

◼ Tanyag nga literatura sa Agosto: Bisan hain sa mga brosyur sa ₱6.00. Septiyembre: Ang Sekreto sa Kalipay sa Pamilya sa ₱20.00. Oktubre: Usa ka tuig nga suskrisyon sa Ang Bantayanang Torre o Pagmata! sa ₱120.00. Sugod sa ulahing bahin sa bulan, ang Kingdom News No. 35 iapod-apod. Nobyembre: Ang kampanya sa Kingdom News No. 35 magpadayon sa unang katunga sa bulan. Human niana, ang Kahibalo nga libro itanyag. MATIKDI: Ang mga kongregasyon nga wala pa magpedido sa nahisgotan-sa-ibabaw nga kampanya sa mga basahon kinahanglang magabuhat na niana sa ilang sunod nga binulang Literature Order Form (S-AB-14).

◼ Ang matag kongregasyon makadawat ug duha ka porma sa Literature Inventory (S-18) uban sa ilang kuwentada sa kuwenta sa Hunyo. Palihog himoa ang aktuwal nga pag-ihap sa estak sa literatura sa pagka-Agosto 31, 1997 ug pil-api sa bug-os ang mga porma, nga ibalik ang orihinal ngadto sa Sosyedad nga dili maulahi sa Septiyembre 6. Hupti ang duplikado diha sa inyong payl.

◼ Ang sekretaryo sa kongregasyon maghan-ay sa mga taho sa pag-alagad aron itala sa porma nga Congregation Analysis Report (S-10). Maampingon usab niyang tudloan ang bisan kinsang ansiyano o ministeryal nga alagad nga tingali motabang kaniya sa paghan-ay sa taho. Magpaseguro kini sa katukma sa pagsumada sa impormasyon nga gikinahanglan gikan sa mga Publisher Record card (S-21). Ang porma nga Congregation Analysis Report (S-10) kinahanglang pil-apan sa tukma ug sa hinlong paagi ug susihon nga mainampingon sa komite sa pag-alagad.

◼ Ang mga order sa Pagsusi sa Kasulatan sa Adlaw-Adlaw​—1998 ug ang 1998 nga kalendaryo kinahanglang ipadala na karon sa Sosyedad. Magpadala kami ug special order blank ngadto sa matag kongregasyon uban sa Hunyo nga kuwentada sa kuwenta para niining duha ka aytem. Inigkadawat ninyo niini, pil-api kini ug ibalik kini sa Sosyedad nga dili maulahi sa Agosto 15. Ang kontribusyon sa Pagsusi sa Kasulatan sa Adlaw-Adlaw maoy ₱10.00 alang sa mga magmamantala. Usa ka libreng kopya mahimong ihatag ngadto sa matag espesyal ug regular payunir nga anaa sa listahan sukad sa Hulyo 1, 1997, ug ang kongregasyon mohangyo ug kunhod alang niini diha sa Remittance and Credit Request nga porma (S-20) sa dihang ilang ipadala ang bayad human madawat ang mga pulyeto. Ang mga payunir mahimong makabaton ug dugang mga kopya sa pagpahiluna ngadto sa di-dedikadong mga tawo sa ₱5.00 ang usa. Palihog ipakita ang libreng mga kopya nga separado nianang sa pioneer rate sa dihang maghangyo ug kunhod. Ang kalendaryo maoy ₱25.00 ug kini walay kunhod sa payunir, ni adunay ihatag nga libre ngadto sa mga payunir.

◼ Aduna pay panahon alang niadtong nagaplano nga mosugod sa regular payunir nga buluhaton sa Septiyembre 1, 1997 aron itunol ang ilang mga aplikasyon. Sa dihang aprobahan kini sa komite sa pag-alagad kinahanglang ipadala kini ngadto sa Sosyedad nga walay langan aron ang aprobal madawat una pa ang Septiyembre 1.