Mga Pahibalo

◼ Tanyag nga literatura sa Oktubre: Usa ka tuig nga suskrisyon sa Ang Bantayanang Torre o Pagmata! sa ₱120.00. Sugod sa ulahing bahin sa bulan, ang Kingdom News No. 35 ipanagtag. Nobyembre: Ang kampanya sa Kingdom News No. 35 magpadayon sa unang katunga sa bulan. Human niana, ang Kahibalo nga libro ang itanyag. Disyembre: New World Translation sa Ingles o Ang Balaang Kasulatan uban sa Ang Bibliya​—Pulong sa Diyos o sa Tawo? sa ₱100.00. Enero: Nahiusa sa Pagsimba sa Bugtong Matuod nga Diyos o ang gamay nga Mabuhing Walay Kataposan nga libro sa ₱20.00. MATIKDI: Ang mga kongregasyon nga wala pa makapedido sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Sa Nobyembre 1, daghang tawo ang mabalaka bahin sa ilang mga namatay nga mga minahal, busa maayo ang paggamit sa tract nga Unsay Paglaom Alang sa Namatay nga mga Minahal? ug ang brosyur nga Sa Dihang ang Imong Minahal Mamatay dihang mamalaybalay o diha sa mga sementeryo nianang adlawa.

◼ Ang pasukip niining isyuha sa Atong Ministeryo sa Gingharian mao ang “Eskedyul sa Tunghaan sa Teokratikanhong Ministeryo sa 1998” ug kinahanglang huptan ingong reperensiya sa tibuok 1998.

◼ Uban ang lima ka bug-os nga mga hinapos sa semana, ang bulan sa Nobyembre hayan maoy kombenyenteng panahon alang sa daghan sa pag-oksilyare payunir.

◼ Aduna ba kamoy suplay sa mga handbill sa pagpakita sa inyong mga oras sa tigom. Kon wala, makaorder kamo sa inyong suplay diha sa Handbill Order nga porma (S-AB-16).

◼ Kon ang mga kongregasyon wala pa makapadala sa ilang order sa Pagsusi sa Kasulatan sa Adlaw-Adlaw​—1998, kinahanglang himoon na nila kana gilayon. Ang tanang kongregasyon gustong makabaton niining mga pulyetoha alang sa mga magmamantala nga gamiton sugod sa Enero 1, 1998. Kining mga pulyetoha maoy special-request items.