Mga Tigom sa Pag-alagad Alang sa Oktubre
Semana sa Oktubre 6-12
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian.
15 min: “Maghigugmaay Pa Kaha ang Tanang Tawo sa Usag Usa?” Pangutanag tubag. Sublia ang dagkong mga puntos sa Kingdom News No. 35. Ipunting ang mga katarongan kon nganong ang mga tawo sa teritoryo makabenepisyo gikan niini nga materyal. Ipasiugda ang panginahanglan sa paghimog mga plano karon sa bug-os nga pagpakig-ambit sa pagpanagtag niini ug magmakugihon sa pagpaloap sa tanang makaplagang interes.
20 min: “Makaylapong Ipang-apod-apod ang Kingdom News No. 35.” Pangbukas nga pakigpulong pinaagig magtatan-aw sa pag-alagad. Kobrehi ang mga parapo 5-8 pinaagig pangutana ug tubag. Sublia ang lokal nga mga kahikayan sa gipadakong buluhaton. Hisgoti ang mga paagi sa pagtino nga makobrehan ang tanang teritoryo. Ang Kingdom News No. 35 magamit sa mga magmamantala sa pagpamatuod sa mga tawo diha sa mga hunonganan sa bus, sa ginagmayng mga negosyohanan, sa mga parkinganan, ug bisan diin. Itanyag ang mga sugyot kon unsaon pagtabang sa mga bag-ohan kinsa buot nga mosugod sa buluhatong pagsangyaw. Ilakip ang impormasyon gikan sa pasukip sa Abril 1995 nga Atong Ministeryo sa Gingharian, parapo 11. Sa pipila ka teritoryo tingali mas maayong mag-inusara ug dili magdalag bag sa dihang mag-apod-apod sa Kingdom News. Ipasundayag ang duha o tulo ka mugbong presentasyon.
Awit 126 ug paniklop nga pag-ampo.
Semana sa Oktubre 13-19
12 min: Lokal nga mga pahibalo. Taho sa kuwenta. Sublia ang igsusulting mga puntos diha sa bag-ong mga isyu sa Ang Bantayanang Torre ug Pagmata! Pahinumdomi ang tanan nga sa buluhaton sa hinapos sa semana, ang mga magasin ang itanyag uban sa Kingdom News No. 35. Kinahanglang atong paloapon ang tanang interes.
15 min: Lokal nga mga panginahanglan.
18 min: “Unsaon Mo Pagsupil ang Pagkawalay-Pagtagad?” Panaghisgot tali sa duha ka ansiyano. Ilakip ang mga komento sa materyal ilalom sa sub-ulohang “Unsay Imong Pagsanong sa Kawalay-Pagtagad” diha sa Enero 15, 1975, Bantayanang Torre, mga panid 58-61 (Hulyo 15, 1974, sa Ingles, mga panid 445-6).
Awit 130 ug paniklop nga pag-ampo.
Semana sa Oktubre 20-26
15 min: Lokal nga mga pahibalo. Sublia ang pipila ka kasinatian gikan sa 1996 Yearbook, mga panid 6-8, bahin sa “Global Distribution of Kingdom News.” Ipasiugda ang indibiduwal nga paningkamot nga gihimo sa mga magmamantala sa ulahing pagpanagtag sa Kingdom News. Dasiga ang tanan nga makig-ambit sa bug-os sa pagpanagtag sa Kingdom News No. 35.
15 min: Dagkong mga puntos sa artikulo, “Kon sa Unsang Paagi Nabatonan Nato ang Bibliya, Bahin 1” gikan sa Ang Bantayanang Torre sa Agosto 15, 1997, mga panid 8-11. Panaghisgot tali sa duha ka ansiyano sa mga rason kon nganong ang Bibliya takos sa atong pagtagad. Giandam kining artikuloha sa pagtabang sa mga tawo nga hayan edukado kaayo apan nahibalo lamag diyutay bahin sa Bibliya. Inay kay sulayan ang pagpatuo kanila nga ang Bibliya dinasig sa Diyos, ang artikulo nagatugot sa mga kamatuoran nga maoy mosulti mismo. Buot natong gamiton ang mga puntos niining artikuloha sa pagdasig sa mga tawo nga atong ginatun-an sa pagbasa sa ilang Bibliya sa kada adlaw.
15 min: “Ikaw ba Bug-os-Panahong Saksi?” Pakigpulong pinaagig ansiyano.
Awit 133 ug paniklop nga pag-ampo.
Semana sa Okt. 27–Nob. 2
12 min: Lokal nga mga pahibalo. Sublia ang pag-uswag sa pagpanagtag sa Kingdom News No. 35. Dapita ang mamiminaw sa pagpahayag ug makapadasig nga mga kasinatian. Itaho kon unsa ka dakong teritoryo ang nakobrehan na sa pagkakaron ug kon unsay gikinahanglan sa kompletong pagkobre sa pagka-Nobyembre 16. Sa dihang makompleto na pagkobre ang teritoryo, atong itanyag ang Kahibalo nga libro sulod sa nahibilin sa bulan. Ipasiugda ang tumong sa pagsugod ug mga pagtuon sa mga pagbalikduaw diin dihay maayong sanong sa Kingdom News.
15 min: “Kon Unsaon Pagkakaplag ug Paglaom Taliwala sa Kawalay-Paglaom.” Pakigpulong pinaagig ansiyano pinasukad sa Mayo 15, 1997, Bantayanang Torre, mga panid 22-5.
18 min: Ipasidlak ang Imong Kahayag. Pakigpulong ug panaghisgot sa Atong Ministeryo nga libro, mga panid 84-8. Hikayang abante nga espesipikong komentohan sa mga magmamantala ang mosunod nga mga pangutana: (1) Nganong ang mga Saksi ni Jehova nagasangyaw sa kabalayan? (2) Sa unsang gilapdon kini nga pamaagi gigamit sa unang siglo? (3) Nganong adunay dinaliang panginahanglan sa padayong pagsangyaw sa kabalayan karong adlawa? (4) Unsang mga kahimtanga ang hayan magpalisod kanato sa pagpakig-ambit nga regular? (5) Sa unsang paagi kita makabatog tabang aron makalahutay? (6) Sa unsang paagi kita mapanalanginan sa pagpasidlak sa atong kahayag? (7) Unsay atong mahimo aron mahimong mas malamposon sa pagkontak sa mga tawo? Iilustrar pinaagig tulo o upat ka magmamantala nga magsaysay ug makapadasig nga mga kasinatian nga natagamtam samtang nagkobre sa katindahanan o nagsangyaw sa kadalanan.
Awit 136 ug paniklop nga pag-ampo.