Repaso sa Tunghaan sa Teokratikanhong Ministeryo
Serado-basahong pagsubli sa materyal nga nakobrehan diha sa mga asaynment sa Tunghaan sa Teokratikanhong Ministeryo para sa mga semana sa Septiyembre 1 hangtod sa Disyembre 22, 1997. Gamita ang usa ka separadong papel sa pagsulat sa mga tubag sa mga pangutana sa daghan nga imong maarangan diha sa gitagal nga panahon.
[Matikdi: Sulod sa panahon sa sinulat nga pagsubli, ang Bibliya lamang ang mahimong gamiton sa pagtubag sa bisan unsang pangutana. Ang mga reperensiya nga nagasunod sa mga pangutana maoy alang sa imong personal nga panukiduki. Ang mga numero sa panid ug parapo mahimong dili makita diha sa tanang reperensiya sa Ang Bantayanang Torre.]
Tubaga ang matag usa sa mosunod nga mga pahayag nga Matuod o Bakak:
1. Bisag ang rekord nag-ingon nga ang walay pagtuo nga Haring Jehoram nagmando sa amihanang gingharian sa Israel, wala kita mahibalo kon kinsa ang iyang mga ginikanan o kon sa unsang paagi siya namatay. [it-1 p. 1270 mga par. 8, 12]
2. Sa Lucas 22:30, ang “napulog-duha ka tribo sa Israel” may samang kahulogan sa Mateo 19:28, diin ang kapadapatan mosaylo sa gianak-sa-espiritu nga mga luyoluyong saserdote ni Jesus aron maglakip sa tanang ubang katawhan. [Senemanang pagbasa sa Bibliya; tan-awa ang w87-CV 3/1 p. 27 par. 10; p. 28 par. 12.]
3. Ang katarongan kon nganong nahibulong ang mga tinun-an ni Jesus sa iyang pagpakigsulti sa babayeng Samarianhon maoy tungod kay siya may imoral nga estilo-sa-kinabuhi. (Juan 4:27) [Senemanang pagbasa sa Bibliya; tan-awa ang w95-CV 7/15 p. 15 mga par. 1-2.]
4. Ang ekspresyong “sukad sa sinugdan” sa Juan 6:64 nagpaila nga nahibalo si Jesus sa panahong gipili si Judas ingong apostol nga siya mao ang usa nga magbudhi Kaniya. [Senemanang pagbasa sa Bibliya; tan-awa ang it-2 p. 129 mga par. 4-6.]
5. Ang karta sa Sosyedad sa 1884 nagpunting lamang sa pagkamagpapatik niini nga organisasyon. [jv-CV p. 576 par. 1]
6. Ang Exodo 21:22, 23 motabang kanato sa pagsabot nga gilantaw sa Diyos ang gisabak nga bata ingong usa ka bililhong kinabuhi. [kl-CV p. 128 par. 21]
7. Ang “kasaulogan sa mga Judio” nga gihisgotan sa Juan 5:1 nagpunting sa Paskuwa sa 31 K.P. [si-CV p. 194 par. 8]
8. Ang pagpakaylap sa mensahe sa Gingharian pinaagi sa mga sibya sa radyo ug telebisyon maoy sama ka epektibo sa bisan unsang ubang mga paagi nga mahimong atong gamiton. [jv-CV p. 572 par. 1]
9. Sanglit si Jehoiakin nanganak ug pito ka anak nga lalaki, ang mando sa Kasulatan, “Isulat mo kining tawhana nga walay anak,” sayop gayod. (Jer. 22:30) [it-1 p. 1267 par. 10]
10. Walay sapayan kon gilantaw nga matarong o dili ang sibil nga mga awtoridad, angayng hustong iparehistro sa matuod nga mga Kristohanon ang ilang kaminyoon pinaagi kanila. [kl-CV p. 122 par. 11]
Tubaga ang mosunod nga mga pangutana:
11. Uyon sa panig-ingnan sa unang-siglong mga Kristohanon sa Efeso, unsa ang usa ka hinungdanong lakang nga kinahanglang himoon aron masuklan ang daotang mga espiritu? (Buh. 19:19) [kl-CV p. 114 par. 14]
12. Giunsa pagpakasala sa pipila ka manulonda sa adlaw ni Noe? [kl-CV p. 109 par. 4]
13. Nganong si Jesus midumili nga malangkit sa panaglalis sa kabilin? (Luc. 12:13, 14) [Senemanang pagbasa sa Bibliya; tan-awa ang w97-CV 4/1 p. 28.]
14. Unsay wala hisabti sa mga apostol sa dihang sila nangutana kang Jesus kon iya bang ipasig-uli ang Gingharian sa Israel, ingon sa girekord sa Buhat 1:6? [Senemanang pagbasa sa Bibliya; tan-awa ang w90-CV 6/1 p. 11 par. 4.]
15. Nganong wala matuman ni Adolf Hitler ang iyang hulga sa pagpapas sa katawhan ni Jehova? [jv-CV p. 553 mga par. 2-4]
16. Giunsa pagpasundayag ni Jairo nga siya may pagtuo sa abilidad ni Jesus sa pag-ayo? (Mar. 5:22-24) [it-1 p. 1250 par. 14]
17. Nganong ang New World Translation nag-ingon nga “ang Pulong usa ka diyos” ug dili “Diyos ang Pulong,” sama sa gihimo sa ubang mga hubad sa Juan 1:1? [Senemanang pagbasa sa Bibliya; tan-awa ang rs-CV 223 mga par. 3-4.]
18. Sumala sa basahon sa Pinadayag, asa modangat “kadtong mga nagabuhat sa espiritismo” kon dili sila maghinulsol ug mag-usab sa ilang mga dalan? [kl-CV p. 111 par. 8]
19. Sanglit si Jesus maoy usa ka hingpit nga tawo ug siya midawat sa iyang papel ingong Magtutudlo, nganong midumili siya nga tawgong “Maayong Magtutudlo”? (Luc. 18:18, 19) [Senemanang pagbasa sa Bibliya; tan-awa ang w95-CV 3/1 p. 15 par. 7.]
20. Unsay bag-o bahin sa sugo nga giingon sa Juan 13:34? [Senemanang pagbasa sa Bibliya; tan-awa ang w90-CV 2/1 p. 21 mga par. 5-6.]
Itagana ang pulong o prase nga gikinahanglan sa pagkompleto sa matag usa sa mosunod nga mga pahayag:
21. Ang panig-ingnan ni ․․․․․․․․, nga Gitihanon, nga nagpakitag pagkamaunongon kang ․․․․․․․․, angayng magpalihok kanato nga ipakita ang samang hiyas ngadto niadtong nagapanguna sa organisasyon ni Jehova karong adlawa. (2 Sam. 15:21) [it-1 p. 1237 par. 17]
22. Ang “napulo ka mina” naghawas sa ․․․․․․․․ nga magamit sa gianak-sa-espiritung mga tinun-an sa pagpatunghag dugang ․․․․․․․․ sa langitnong Gingharian. (Luc. 19:13) [Senemanang pagbasa sa Bibliya; tan-awa ang w89-CV 10/1 p. 8.]
23. Ang tulo ka bakak nga mga sumbong nga gisang-at sa mga Hudiyo batok kang Jesus ngadto kang Pilato, ang Romanong gobernador sa Judea, naglakip sa pagpukan sa ․․․․․․․․, pagdili sa pagbayad ug ․․․․․․․․, ug sa pag-ingon nga Siya Mismo maoy ․․․․․․․․. (Luc. 23:2) [Senemanang pagbasa sa Bibliya; tan-awa ang w90-CV 12/1 p. 9 par. 1.]
24. Ang matuod nga mga Kristohanon dili magsaulog ug Pasko o bisan unsang ubang pista opisyal nga gipasukad sa bakak relihiyosong mga pagtulon-an tungod kay gihatag nila kang Jehova ang ․․․․․․․․; dili usab sila magsaulog ug mga pista opisyal nga ․․․․․․․․ sa makasasalang mga tawo o mga nasod. [kl-CV p. 126 par. 16]
25. Ang basahon sa Mga Buhat gisulat ni ․․․․․․․․ samtang siya didto sa ․․․․․․․․. [si-CV p. 199 par. 3]
Pilia ang hustong tubag sa matag usa sa mosunod nga mga pahayag:
26. Sa 1992, kapin sa (2,500; 4,500; 6,500) ka estudyante gikan sa (40; 80; 110) ka nasod ang gibansay sa Gilead ug human niana nag-alagad sa kapin sa (100; 150; 200) ka kayutaan ug mga grupo sa kapuloan. [jv-CV p. 524 par. 2]
27. Sa (1877; 1879; 1881), si Charles T. Russell nagpatik sa pulyetong The Object and Manner of Our Lord’s Return, ug sa (1877; 1879; 1881) siya nagsugod sa pagpatik sa Zion’s Watch Tower and Herald of Christ’s Presence. [jv-CV p. 557 par. 1]
28. Ang atong pagkinabuhi sa diyosnong kinabuhi mogarantiya nga (maayo kanunay ang pagtagad kanato sa uban; mapahimuslan nato ang dagayang materyal nga mga butang karon; mabatonan nato ang pag-uyon sa Diyos tungod kay ginabuhat nato kon unsa ang matarong). [kl-CV p. 118 par. 2]
29. Sa dihang si Jesus nangutana kang apostol Pedro, “Gihigugma mo ba ako labaw pa kay niini nila?,” Siya nangutana kang Pedro kon siya nahigugma Kaniya nga labaw kay (sa iyang paghigugma niining ubang mga tinun-an; niining ubang mga tinun-an nga nahigugma kang Jesus; sa iyang paghigugma niining mga butanga, sama sa mga isda). (Juan 21:15) [Senemanang pagbasa sa Bibliya; tan-awa ang w88-CV 11/1 p. 31 par. 9.]
30. Sa dakong bahin, kadtong nanguna sa pagpakaylap sa maayong balita maoy (bahandianong mga tawo; mga tawong inila sa kalibotan; ordinaryong mga tawo). [jv-CV p. 548 par. 3]
Ipatukma ang mosunod nga mga kasulatan nganha sa mga pahayag nga gitala sa ubos:
2 Hari 10:15, 16; Prov. 3:9, 10; Luc. 9:60, 62; 13:4, 5; Roma 9:10-12
31. Si Jesus nakiglantugi batok sa pangatarongang naglangkit sa kapalaran, nga nagtumong sa usa ka trahedya nga ilado sa iyang mga mamiminaw ug nga dayag gipasangil niya ngadto sa panahon ug wala-makita-daang hitabo. [Senemanang pagbasa sa Bibliya; tan-awa ang w96-CV 9/1 p. 5 par. 5.]
32. Gipasundayag ni Jehova ang iyang katakos sa pagsusi sa henetikanhong kiling sa batang gisabak ug sa paggamit sa iyang abanteng kahibalo ug katungod sa pagpili na niadtong kinsa iyang pilion alang sa iyang mga katuyoan. [it-1 p. 1242 par. 6]
33. Ang bug-os nga debosyon gikinahanglan aron makasulod sa Gingharian. [si-CV p. 192 par. 32]
34. Si Jehova magpanalangin kanato samtang gamiton nato ang atong panahon, kusog, ug ubang mga kahinguhaan, lakip ang atong salapi, sa pagpalambo sa matuod nga pagsimba. [kl-CV p. 120 par. 8]
35. Ang usa kinahanglang maunongong mopaluyo niadtong nagapanguna sa pagsimba kang Jehova. [it-1 p. 1269 par. 8]