Mga Pahibalo

◼ Tanyag nga literatura sa Disyembre: New World Translation sa Ingles o Ang Balaang Kasulatan uban sa Ang Bibliya​—Pulong sa Diyos o sa Tawo? sa ₱100.00. Enero: Nahiusa sa Pagsimba sa Bugtong Matuod nga Diyos o ang gamay nga Mabuhing Walay Kataposan nga libro sa ₱20.00. Pebrero: Life​—How Did It Get Here? By Evolution or by Creation?, dakong edisyon sa ₱60.00, gamayng edisyon sa ₱30.00. Hinunoa, sa wala-magsultig-Ingles nga mga teritoryo, ang gamayng Mabuhing Walay Kataposan nga libro ang angayng itanyag sa amot nga ₱20.00. MATIKDI: Ang mga kongregasyon nga wala pa makapedido sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Nota sa mga Sekretaryo sa Kongregasyon: Kon dunay mga magmamantala nga mobiya sa inyong kongregasyon aron sa pagpuyo sa ubang nasod, palihog sa paghimog linaing paningkamot sa pagpadala sa ilang Publisher Record card ngadto sa tukmang kongregasyon sa sayo nga maarangan. Nakadawat kamig mga taho nga kadtong mibiya sa pagpuyo sa ubang nasod sagad wala kahatagig espirituwal nga pagtagad hangtod nga sila nakapuyo na didto sa ubay-ubayng mga bulan. Aron malikayan kini, sulayi pagkuha sa ilang tukmang adres una pa sila mogikan, o sa sayo nga maarangan human sa ilang paghidangat didto. Busa, kon kamo di makahimo sa pagkuha sa adres sa sekretaryo sa kongregasyon didto, ikapadala ninyo ang rekord kard ngadto sa sangang buhatan sa Sosyedad nianang maong nasod uban ang usa ka sulat nga magsaysay sa kahimtang ug maghatag sa tukmang adres. Makahimo dayon sila sa pagpadala sa impormasyon ngadto sa kinadul-ang kongregasyon aron sila matabangan sa espirituwal.

◼ Kausaban sa Distritong mga Kombensiyon: Palihog matikdi ang listahan sa mga kombensiyon nga ang kombensiyon nga gieskedyul sa Sta Cruz, Laguna karon giusab ngadto sa Lucena City. Ang kombensiyon sa Bacolod City himoon na karon sa West Negros College Gym inay sa Paglaum Sports Complex. Ang mga petsa wala mausab.

◼ Ang nagadumalang magtatan-aw o usa nga iyang gitudlo angayng mag-awdit sa mga kuwenta sa kongregasyon sa Disyembre 1 o sa sayo nga maarangan human niana. Ipahibalo sa kongregasyon sa dihang kini mahimo na.

◼ Importante alang sa mga magmamantala ang pagtino nga ilang mahikay ang pagpakig-ambit diha sa pag-alagad sa kanataran sayo sa Disyembre. Kon motambong ka ug kombensiyon o mobakasyon, o ikaw mahalayo gikan sa imong kongregasyon sa kataposan sa Disyembre, seguroha nga imong ikahatag ang imong taho ngadto sa sekretaryo una pa mogikan. Kon ang tanan mabinantayon sa pagtaho sa hustong panahon nan makabaton kitag kompletong taho sa Disyembre.

◼ Sanglit ang distritong kombensiyon niining tuiga tulo lamang ka adlaw, dili kinahanglang kanselahon ang Pagtuon sa Libro sa Kongregasyon nianang semanaha.

◼ Mga Amot Alang sa Distritong mga Kombensiyon: Buot namong pahibaloon ang matag usa nga ang tanang gastos sa mga kombensiyon, lakip na ang pagbaton ug mga pasilidad, plataporma, sistema sa public address ang tanan gisuportahan sa boluntaryong mga amot. Kami makasegurong hinumdoman ninyo kini sa dihang kamo motambong. Ang mga amot mahimong himoon pinaagi sa contribution boxes nga gitagana didto sa mga kombensiyon.​—Tan-awa ang parapo 13 sa Pasukip sa Nobyembre, 1996 nga Atong Ministeryo sa Gingharian.

◼ Tinuig nga Teksto sa 1998: Ang Tinuig nga Teksto sa 1998 gipasukad sa Roma 10:13 “Ang tanang nanagtawag sa ngalan ni Jehova mamaluwas.” Ang tanang kongregasyon angayng maghikay sa pagbutang sa bag-ong tinuig nga teksto diha sa ilang mga Kingdom Hall sa Enero 1, 1998.