Mga Pahibalo

◼ Tanyag nga literatura sa Marso: Ang Kahibalo nga libro itanyag sa amot nga ₱25.00. Kon ang mga tagbalay nakabaton na niining libroha, mahimong itanyag nimo ang Kalipay sa Pamilya nga libro sa samang amot. Abril ug Mayo: Usa ka tuig nga suskrisyon sa Bantayanang Torre sa P120.00. Hunyo: Mahimong ang Labing Bantogang Tawo nga libro sa ₱75.00 o ang Pagpangita sa Katawhan sa Diyos sa ₱40.00. MATIKDI: Ang mga kongregasyon nga wala pa makapedido sa nahisgotan-sa-ibabaw nga kampanya sa mga basahon kinahanglang maghimo na niana sa ilang sunod nga binulang Literature Order Form (S-AB-14).

◼ Ang nagadumalang magtatan-aw o usa nga iyang itudlo angayng mag-awdit sa mga kuwenta sa kongregasyon sa Marso 1 o sa sayo nga maarangan human niana. Ipahibalo sa kongregasyon sa dihang kini mahimo na.

◼ Sugod sa Abril, ang mga magtatan-aw sa sirkito mohatag sa pakigpulong publiko nga nag-ulohang “Salig sa Nagaluwas nga Gahom ni Jehova” sa dihang magaduaw sa mga kongregasyon.

◼ Daghan pa ang atong suplay sa audiocassette nga naundan sa materyal gikan sa Ingles nga Require nga brosyur. Mapuslanon kini sa pagtudlo sa mga bata o niadtong kinsa adunay mga kakulian sa pagbasa. Makapalipay usab ang pagpaminaw niini sa balay. Ang amot niini maoy ₱60.00 ug ₱55.00 ang bayad sa payunir.

◼ Gumikan sa di pa dugayng pag-us-os sa kantidad sa peso, ang tanang presyo sa literatura mouswag sugod sa Marso 1, 1998. Moepekto lamang kini sa mga literatura; ang mga kantidad sa magasin ug suskrisyon dili mouswag. Ang upat ka kopya sa bag-ong Watch Tower Publications List nga magpakita sa bag-ong mga kantidad gipadala ngadto sa matag kongregasyon ilalom sa separadong hapin. Ang usa ka kopya kinahanglang ihatag ngadto sa alagad sa literatura, alagad sa magasin, ug alagad sa kuwenta, ug ang usa ka kopya huptan sa payl sa kongregasyon. Palihog wagtanga ang tanang miaging mga edisyon sa Watch Tower Publications List aron malikayan ang kalibog.

◼ Sa Enero 1, 1998 ang porma nga Special Literature Inventory gipadala sa matag kongregasyon uban ang nagasaysay nga sulat ngadto sa Lawas sa mga Ansiyano. Palihog pil-api kining pormaha sa bug-os sa pagka-Pebrero 28 human mahimo ang aktuwal nga pag-ihap sa tanang estak nga literatura, ug ibalik ang usa ka kopya ngadto sa Sosyedad nga dili maulahi sa Marso 6. Sa dihang madawat na kining mga pormaha sa sangang buhatan, ang Sosyedad magsingil sa kongregasyon sa nabilin nga mga kantidad sa literatura nga anaa sa inyong estak sa pagka-Pebrero 28, 1998.

◼ Ang mga magmamantala nga buot moalagad ingong mga oksilyare payunir sa Abril ug Mayo kinahanglang maghimo sa ilang mga plano karon ug itunol ang ilang aplikasyon nga sayo. Magtabang kini sa mga ansiyano sa paghimog kinahanglanong mga kahikayan sa pag-alagad sa kanataran ug magbaton ug igoigong mga magasin ug ubang literatura nga mabatonan. Ang mga ngalan sa tanang naaprobahan nga mag-oksilyare payunir kinahanglang ipahibalo sa kongregasyon.