Mga Tigom sa Pag-alagad Alang sa Mayo
Semana sa Mayo 4-10
8 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Teokratikanhong mga Balita
15 min: “Ang Espiritu ni Jehova Nag-uban Kanato.” Pangutanag tubag. Sa dihang magkobre sa parapo 3, ilakip ang tukmang mga pangutlo gikan sa 1998 Yearbook.
22 min: “Pilia ang mga Artikulo nga Magpunting sa Tinong mga Tinguha sa mga Tawo.” Sublia ang pangunang mga puntos diha sa artikulo. Isaysay nga bisan ang daandaang mga isyu nga maayo pa ikatanyag man niining paagiha. Dapita ang mga magmamantala sa pag-asoy kon unsang mga artikuloha ang ilang gipasiugda nga may maayong mga resulta. Ipasundayag ang presentasyon sa parapo 7.
Awit 212 ug paniklop nga pag-ampo.
Semana sa Mayo 11-17
10 min: Lokal nga mga pahibalo. Taho sa kuwenta.
15 min: “Imantala ang Kamatuoran sa Adlaw-Adlaw sa Pagsundog Kang Jesus.” Pangutanag tubag. Ipabasa ang parapo 5.
20 min: “Mga Lalaking ‘May mga Pagbating Sama sa Atoa.’” Makapadasig nga pakigpulong nga gipasukad sa artikulo sa Marso 1, 1998 nga Bantayanang Torre, mga panid 26-9. Ipakita kon sa unsang paagi si Jehova naggamit sa dili hingpit nga mga lalaki sa pagbuhat sa iyang kabubut-on, nga magtabang kanato nga dili sobrang maluya sa atong unodnong mga kahuyangan.
Awit 48 ug paniklop nga pag-ampo.
Semana sa Mayo 18-24
10 min: Lokal nga mga pahibalo. Usab, tagda ang artikulo nga “Ikaw ba Nalipay Niana?” Dasiga ang mga oksilyare payunir sa pagpadayon ug mahimong mga regular payunir kon motugot ang ilang mga kahimtang.
15 min: “Aduna Ka ba ing ‘Tunok sa Unod’?” Pangutanag tubag. Komentohi ang “Mga Pangutana Gikan sa mga Magbabasa” sa Nobyembre 15, 1987, Bantayanang Torre, panid 29.
20 min: “Gipabilhan ba Gayod Nimo ang mga Panalangin ni Jehova?” Pakigpulong pinasukad sa artikulo sa Enero 1, 1998 nga Bantayanang Torre, mga panid 22-4. Dasiga ang tanan nga batonan ang kinasingkasing nga pagpabili sa mga tagana ni Jehova ug huptan ang positibong tinamdan sa atong mga pribilehiyo.
Awit 139 ug paniklop nga pag-ampo.
Semana sa Mayo 25-31
10 min: Lokal nga mga pahibalo.
15 min: Itanyag ang Labing Bantogang Tawo o Pagpangita sa Diyos nga libro sa Hunyo. Pakigpulong ug pasundayag. Ipunting ang nagkalainlaing mga puntos diha sa mga libro nga makapadasig, depende sa matang sa teritoryo nga ginakobrehan ug sa mga tawo nga imong ikahimamat. Kon ang tawo adunay laing relihiyon, ang magmamantala mahimong mopakli dayon sa kapitulo diha sa Pagpangita sa Diyos nga libro nga naghisgot sa maong relihiyon. Kining libroha maoy reperensiyang libro nga buot tingaling mabatonan sa daghan. Ang kapitulo 16 nagahubit sa bag-ong kalibotan ug magamit nga epektibo. Ang Labing Bantogang Tawo nga libro maayong pagkahulagway ug makadani niadtong kinsa nag-angkong Kristohanon. Ipasundayag ang tanyag sa usa sa maong mga libro.
20 min: Kon Nganong Akong Gipabilhan ang mga Tigom sa Kongregasyon. Ansiyano modumala sa panaghisgot uban sa grupo sa makanunayong mga tigtambongan kinsa naghawas sa katibuk-an sa kongregasyon, tingali maglakip sa usa ka magtiayon, usa ka tigulang, ug usa ka tin-edyer. Sila mopahayag kon nganong sila kanunayng motambong: maayong panagkauban, diyosnong instruksiyon, ug maayong tambag, nga motabang kanila sa pagsagubang sa adlaw-adlawng mga suliran ug mopabiling lig-on sa espirituwal. Ang mga komento mopasiugda kon sa unsang paagi kitang tanan mapanalanginan sa pagtambong nga regular sa mga tigom.
Awit 222 ug paniklop nga pag-ampo.