Ikaw Ba Nalipay Niana?
1 Kon ikaw usa niadtong nag-oksilyare payunir sulod sa Marso ug Abril niining tuiga, ikaw ba nalipay sa imong espesyal nga buluhaton? Kon mao, sa walay duhaduha imo pang ipadayon ang imong pagpayunir niining bulana. Tingali makahimo ka pa sa paghikay sa imong mga buluhaton aron mahimong oksilyare payunir matag bulan gikan karon. Kini magtugot kanimo sa pagpadayon sa pag-atiman sa mga pagtuon sa Bibliya nga imong nasugdan sa panahon sa imong pagpayunir nga buluhaton.
2 Sa atong distritong mga kombensiyon, ang total nga 4,493 ang nabawtismohan. Tingali ang pipila niini nakasugod na sa pag-oksilyare payunir pagkahuman gayod sa bawtismo ug nagalantaw sa pagkahimong kuwalipikado ingong mga regular payunir sa Hulyo. Buot namong dasigon ang tanan nga hatagag mainampoong pagtagad ang tumong sa regular nga pagpayunir labing menos sa Septiyembre 1, 1998 inigsugod sa bag-ong tuig sa pag-alagad.