Mga Tigom sa Pag-alagad Alang sa Hulyo
Semana sa Hulyo 6-12
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Komentohi ang taho sa pag-alagad sa kanataran sa Abril alang sa nasod ug sa lokal nga kongregasyon. Teokratikanhong mga Balita.
15 min: “Pagkamaayo nga Kanunay nga Makatambong!” Pangutanag tubag. Ilakip ang mga komento sa Hunyo 8, 1988, Pagmata!, mga panid 19-21, aron dasigon ang mga batan-on sa pagtambong sa mga tigom nga makanunayon.
20 min: “Gikinahanglang Makadungog sa Maayong Balita ang Atong mga Silingan.” Hikaya ang duha o tulo ka takos nga mga magmamantala aron sublion ang mga sugyot sa pagpresentar sa mga brosyur nga naestak sa kongregasyon. Idasig ang paggamit sa bag-ong brosyur, Usa ka Basahon Alang sa Tanang Tawo. Ipasiugda ang tumong sa pagsugod ug mga pagtuon sa Bibliya diha sa Gikinahanglan nga brosyur o sa Kahibalo nga libro. Ipasundayag ang unang presentasyon nga sundan ug pagbalikduaw ug pagtanyag ug usa ka pagtuon.
Awit 73 ug paniklop nga pag-ampo.
Semana sa Hulyo 13-19
10 min: Lokal nga mga pahibalo. Taho sa mga kuwenta. Dasiga ang tanan nga hatagag maugdang nga pagtagad ang pagpatala ingong mga oksilyare payunir sulod sa Agosto, nga adunay lima ka Sabado ug Dominggo.
15 min: “Pagkuhag Kaayohan Gikan sa Atong mga Pakigpulong Publiko.” Pangutanag tubag.
20 min: “Ang Espiritu ba sa Kalibotan Nagahilo Kanimo?” Pakigpulong sa ansiyano pinasukad sa Oktubre 1, 1997, Bantayanang Torre, mga panid 25-9.
Awit 182 ug paniklop nga pag-ampo.
Semana sa Hulyo 20-26
8 min: Lokal nga mga pahibalo. Sublia ang kahon nga nag-ulohang “Usa ka Gatos ka Libo!”
12 min: “Usa ka Duaw nga Mahimong Usa ka Panalangin.” Panaghisgot tali sa duha ka ansiyano. Isaysay ang mga tumong sa buluhaton sa pagkamagbalantay ingon sa gisubli sa Septiyembre 15, 1993, Bantayanang Torre, mga panid 20-3. Mainitong palig-ona ang kongregasyon sa pagpaabot sa mga duaw sa mga ansiyano.
25 min: “Payunir nga Pag-alagad—Kini ba Alang Kanimo?” (Mga parapo 1-14) Magtatan-aw sa pag-alagad mohatag ug pasiunang mga pulong, nga nagadasig sa tanan sa paghunahuna pag-ayo maylabot sa regular nga pagpayunir. Dayon iyang hisgotan ang pangutana 1, lakip ang mga komento sa “Enthusiastic Pioneer Spirit” diha sa 1998 Yearbook, mga panid 104-5. Duha o tulo ka membro sa kongregasyon nga may kasinatian sa pagpayunir moduyog kaniya sa plataporma aron hisgotan ang pangutana 2. Ilang ambitan ang praktikal, realistikanhong panglantaw kon sa unsang paagi posible nga makapadayon sa materyal nga paagi ingong mga payunir. Dayon duha ka ginikanan moduyog sa grupo aron hisgotan ang pangutana 3. Ilang ihatag ang positibong mga rason kon nganong ang mga batan-on angayng maghatag ug maugdang nga pagtagad sa karera sa bug-os-panahong pag-alagad. Dasiga ang tanan nga motambong sa Tigom sa Pag-alagad sa sunod semana, sa dihang pagatagdon ang nahibiling mga pangutana.
Awit 80 ug paniklop nga pag-ampo.
Semana sa Hul. 27–Agos. 2
10 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran alang sa Hulyo. Ipahibalo ang mga kahikayan sa pag-alagad alang sa unang hinapos sa semana sa Agosto, ug dasiga ang tanan sa pagpakig-ambit sa pag-alagad uban ang tumong sa pagsugod ug usa ka bag-ong pagtuon sa Bibliya.
35 min: “Payunir nga Pag-alagad—Kini ba Alang Kanimo?” (Mga parapo 15-25) Pakigpulong ug panaghisgot nga dumalahog ansiyano. Hikaya nga abante nga ang mga payunir ug kadtong nakapayunir sa miagi nga moambit sa kinasingkasing nga mga pahayag sa pagtubag sa mga pangutana 4-5. Ilang ipasiugda ang panginahanglan sa usa ka maayong eskedyul ug pagtapot diha niana, nga maghatag ug mga panig-ingnan sa praktikal senemanang mga eskedyul sa pag-alagad nga mosaler gayod. Tiklopan sa ansiyano uban ang makapadasig nga pakigpulong nga magtubag sa pangutana 6. Ang pagsugod sa tuig sa pag-alagad sa Septiyembre 1 maoy maayong panahon alang sa bag-ong mga payunir sa pagsugod sa ilang bug-os-panahong pag-alagad. Ang mga aplikasyon mahimong mabatonan gikan ni bisan kinsang membro sa Komite sa Pag-alagad sa Kongregasyon.
Awit 51 ug paniklop nga pag-ampo.