Mga Tigom sa Pag-alagad Alang sa Agosto
Semana sa Agosto 3-9
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Komentohi ang taho sa pag-alagad sa kanataran sa Mayo alang sa nasod ug sa lokal nga kongregasyon.
15 min: “Makab-ot ba Nato ang Atong Tumong Niining Bulana?” Pangutanag tubag. Dasiga ang tanan nga sulayan ang pagsugod ug usa ka pagtuon sa sayo sa Agosto aron kini ikataho pagkatapos sa bulan. Sa mubo ilakip ang mga komento sa “Pangutana” sa panid 7.
20 min: “Gamitang mga Brosyur Aron Danihon ang Hunahuna ug Kasingkasing.” Panaghisgot sa mamiminaw. Sa mubo sublia ang mga brosyur nga gipatik latas sa katuigan. (Tan-awa ang Watch Tower Publications Index 1986-1995, mga panid 652-3.) Ipasiugda ang bag-ong brosyur nga Usa ka Basahon Alang sa Tanang Tawo, ug hisgoti kon kinsay mahimong interesado sa pagdawat ug usa ka kopya. Ipasundayag ang usa o duha ka presentasyon.
Awit 191 ug paniklop nga pag-ampo.
Semana sa Agosto 10-16
10 min: Lokal nga mga pahibalo. Mga taho sa kuwenta.
15 min: Lokal nga mga panginahanglan.
20 min: “Mga Batan-on—Pahimusli ang Inyong Pag-eskuyla.” Pangutanag tubag. Ilakip ang haom nga mga komento gikan sa Abril 8, 1992, Pagmata!, mga panid 17-19, ug Hulyo 15, 1991, Bantayanang Torre, mga panid 23-6.
Awit 37 ug paniklop nga pag-ampo.
Semana sa Agosto 17-23
10 min: Lokal nga mga pahibalo. Dapita ang mubong mga komento kon unsaon pagkuha ang ngalan ug adres sa usa ka tawo nga nasangyawan diha sa dalan, sa parke, o bisan diin, aron sundalon ang iyang interes.
35 min: “Mauswagong Pagtagad sa Dinaliang Buluhatong Paghimog mga Tinun-an.” Pangutanag tubag. Basaha ang mga parapo 5, 10, ug 11. Sublia kon sa unsang paagi ang buluhaton sa pagtuon sa Bibliya nagamauswagon sa lokal. Dasiga ang tanang nagadumalag mga pagtuon nga basahon pag-usab ang pasukip sa Hunyo 1996 nga Atong Ministeryo sa Gingharian aron pauswagon ang ilang mga katakos sa pagtudlo. Tagda ang mga parapo 5 ug 25 sa maong pasukip.
Awit 108 ug paniklop nga pag-ampo.
Semana sa Agosto 24-30
12 min: Lokal nga mga pahibalo. Nga may usa na lamang ka hinapos sa semana nga nahibilin sa Agosto, dasiga ang tanan sa pagpakig-ambit sa ministeryo una pa matapos ang bulan, ug itaho nga walay langan aron ang taho sa tuig matigom ug mapadala sa Sosyedad sa pagka-Septiyembre 6.
18 min: Kon Unsaon Paglahutay Diha sa Payunir nga Pag-alagad. Pakigpulong pinasukad sa Septiyembre 15, 1993, Bantayanang Torre, mga panid 28-31. Interbiyoha ang usa ka payunir nga nakakat-on sa pagsagubang sa seryosong mga suliran ug nagpadayon sa pagpayunir.
15 min: Gamitag Maayo ang Atong Ministeryo sa Gingharian. Panaghisgot sa mamiminaw. Ginamit ang bag-ong mga pananglitan, iilustrar ang tukma-sa-panahong impormasyon nga makaplagan diha sa mga panid sa Atong Ministeryo sa Gingharian ug ang mga kaayohan nga atong makuha gikan niana: (1) mga artikulo nga nagapalihok kanato sa pagpakig-ambit nga regular diha sa ministeryo; (2) mga kasinatian nga magdasig nato diha sa atong sagradong pag-alagad; (3) mga sugyot nga nagatabang kanato sa pagpresentar sa maayong balita nga epektibo; (4) mga pahibalo bahin sa bag-ong mga publikasyon nga mabatonan nga makaayo sa lokal nga teritoryo; (5) mga taho sa pag-alagad, nga nagapakita sa paso sa buluhaton sa Gingharian; (6) Teokratikanhong mga Balita, nga nagataho sa pag-uswag sa buluhaton sa tibuok kalibotan; (7) mga pahibalo ug mga eskedyul nga padayong maayong-nagapaalinggat kanato bahin sa umaabot nga mga kalihokan; (8) mga tubag sa mga pangutana nga kabalak-an pag-ayo; ug (9) mga pasukip nga nagasugid kanato bahin sa mga kombensiyon, espesyal nga mga kampanya, ug ubang mga butang nga padayong nagapaigmat kanato sa atong espirituwal nga mga panginahanglan. Dasiga ang tanan nga basahon ang matag gula, ipadapat ang mga sugyot niini, dalhon kini ngadto sa mga Tigom sa Pag-alagad ug mga tigom sa dayon na nga pagsangyaw, ug hiposon kini diha sa personal nga payl alang sa umaabot nga reperensiya.
Awit 210 ug paniklop nga pag-ampo.
Semana sa Agos. 31–Sep. 6
12 min: Lokal nga mga pahibalo. Pahinumdomi ang tanan sa pagtunol sa mga taho sa pag-alagad sa kanataran alang sa Agosto. Ang mga konduktor sa Pagtuon sa Libro sa Kongregasyon kinahanglang magpahinumdom sa tanan diha sa ilang grupo nga magtino sa pagtaho sa bisan unsang mga pagtuon sa Bibliya nga nasugdan sulod sa Agosto ug nagapadayon. Tagda ang tanyag nga literatura alang sa Septiyembre. Sa mubo ipasundayag ang presentasyon nga nagpatungha sa pangutanang “Nganong kinahanglang gamiton nato ang ngalan sa Diyos?” Tubaga kini ginamit ang Kahibalo nga libro, kapitulo 3, parapo 6.
15 min: “Mga Magtatan-aw nga Nagapanguna—Ang Nagadumalang Magtatan-aw.” Pakigpulong sa nagadumalang magtatan-aw. Human masubli ang iyang mga katungdanan, iyang ipahayag ang apresasyon sa kongregasyon tungod sa ilang kooperasyon sa mga ansiyano samtang sila nagabantay sa panon.
18 min: Tabangi ang Inyong Anak sa Pagsagubang sa mga Suliran sa Eskuylahan. Usa ka ansiyano makighisgot uban sa duha o tulo ka ginikanan nga may nagtunghang mga anak. Sa mubo komentohi ang pipila sa mas komon nga mga suliran nga giatubang sa mga bata, segun sa gitagik sa Agosto 8, 1994, Pagmata!, mga panid 5-7. Dayon, magtumong sa mga panid 8-10, hisgoti kon sa unsang paagi ang mga ginikanan makapanalipod sa ilang mga anak ug makamentinar ug maayong ginikanan-magtutudlo nga relasyon.
Awit 24 ug paniklop nga pag-ampo.