Mga Tigom sa Pag-alagad Alang sa Septiyembre
Semana sa Septiyembre 7-13
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Repasoha ang kahon nga “Usa ka Sugyot.”
15 min: “Atong Mahimo ang Labaw nga mga Buhat.” Pangutanag tubag. Dasiga ang tanan sa pagpahilunag makataronganong mga tumong alang sa bag-ong tuig sa pag-alagad ug sa pagpanikaysikay sa pagkab-ot niini.—Tan-awa ang Atong Ministeryo, mga panid 116-18.
20 min: “Mga Payunir Motabang sa Uban.” Usa ka ansiyano mopatin-aw nga dugang pa sa pagbansay nga gitagana diha sa Tunghaan sa Teokratikanhong Ministeryo, ang mga kahikayan ginahimo alang sa mga payunir sa pagtabang sa uban sa personal diha sa ministeryo. Magpatungha siyag mga pangutana nga gipasukad diha sa artikulo ug kuhaon ang mga komento gikan sa mamiminaw, ilabina gikan sa mga payunir ug mga magmamantala nga nalangkit sa maong programa. Tagda kon unsaon pagkuha sa labing maayong mga resulta gikan niana. Mahimong iasoy sa mga payunir kon sa unsang paagi sila nalipay ug nabenepisyohan gikan sa pagpakig-ambit sa pagtabang sa uban. Ang mga magmamantala nga natabangan mahimong mopahayag kon sa unsang paagi ilang giapresyar kining mahigugmaong tagana ug hisgotan ang mga puntos nga nakatabang kanila sa pagkab-ot sa mas dakong kalamposan ug kangaya diha sa ministeryo.
Awit 172 ug paniklop nga pag-ampo.
Semana sa Septiyembre 14-20
10 min: Lokal nga mga pahibalo. Mga taho sa kuwenta.
15 min: Unsay Gikinahanglan sa Diyos Kanato? Pakigpulong. Atong sugdan ang pagtuon niining brosyura sa sunod semana sa pagtuon sa libro. Dasiga ang tanan sa pagpangandam nga abante ug motambong sa matag sesyon aron masinati sa maong brosyur ug makakat-on kon unsaon pagtuon niana ngadto sa uban. Basaha ang parapo ilalom sa “Kon Unsaon Paggamit Niini nga Brosyur.” Gamita ang materyal diha sa Enero 15, 1997, Bantayanang Torre, mga panid 16-17, aron ipasiugda ang kabililhon sa pagtudlo uban ang mga pangutana, mga kasulatan, ug mga ilustrasyon diha sa brosyur. Ang mga konduktor sa pagtuon sa libro angayng magpakitag maayong panig-ingnan alang niadtong magdumalag mga pagtuon sa Bibliya sa balay, pinaagig dili pagsultig daghan kaayo ug dili pagdugang ug ekstrang mga detalye.—Tan-awa ang Atong Ministeryo sa Gingharian, Hunyo 1996, panid 3, parapo 5.
20 min: Komosta ang Atong Nahimo sa Miaging Tuig? Ang sekretaryo ug magtatan-aw sa pag-alagad magrepaso sa taho sa pag-alagad sa kongregasyon ug sa mga gidaghanon sa nanambong sa tigom sa miaging tuig. Ilang ipatugbaw ang makapadasig nga mga bahin sa taho ug puntingon ang mga bahin diin ang pag-uswag mahimong buhaton. Diha ba ing 100-porsiyentong pagpakig-ambit sa pag-alagad sulod sa Agosto? Tagika kon unsang mga tumong ang puntingon gayod sa mga ansiyano sa umaabot nga mga bulan, lakip ang pagtabang sa tanan nga mahimong regular nga mga magmamantala. Ipaambit ang haom nga mga puntos gikan sa kataposang taho sa magtatan-aw sa sirkito.
Awit 144 ug paniklop nga pag-ampo.
Semana sa Septiyembre 21-27
10 min: Lokal nga pahibalo. Teokratikanhong mga Balita.
15 min: Lokal nga mga panginahanglan.
20 min: “Sinatia ang Imong mga Igsoon.” Pangutanag tubag. Ilakip ang mga komento diha sa Oktubre 1, 1988, Bantayanang Torre, mga panid 10-11. Dasiga ang tanan nga mouna sa pagsinati ug maayo sa usag usa.
Awit 34 ug paniklop nga pag-ampo.
Semana sa Sep. 28-Okt. 4
12 min: Lokal nga mga pahibalo. Pahinumdomi ang mga magmamantala sa pagtunol sa ilang mga taho alang sa Septiyembre. Dasiga ang tanan sa paghimog mga plano sa dugang pamalaybalay nga buluhaton sa Oktubre aron pauswagon ang pagpanagtag ug magasin. Ipunting ngadto sa Oktubre 1996 nga Atong Ministeryo sa Gingharian, panid 8, alang sa mga sugyot kon unsaon pagpangandam ang mga presentasyon. Ipasundayag ang tanyag uban ang bag-ong mga magasin. Pagkuhag suplay sa mga magasin alang sa kalihokan sa hinapos sa semana.
20 min: “Mga Magtatan-aw nga Nagapanguna—Ang Magtatan-aw sa Pag-alagad.” Pakigpulong sa magtatan-aw sa pag-alagad. Human sa pagrepaso sa iyang mga katungdanan, iyang isaysay ang tinong mga paagi nga ang kongregasyon makakooperar aron sa pagpauswag sa gilapdon ug kaepektibo sa ministeryo diha sa lokal.
13 min: Unsay Gikinahanglan Aron Mahimong Maayong Magmamantala sa Kongregasyon? Pakigpulong, nga may pipila ka pakig-ambitay sa mamiminaw. Dili kinahanglang adunay superyor nga mga abilidad o mga katakos; hinunoa, ilabinang gitinguha nga kitang tanan adunay kinabubut-ong tinamdan nga nagasumbalik-silaw sa gugma, pagkamapaubsanon, kasibot, ug apresasyon. Dapita ang mamiminaw sa paghatag ug mga katarongan kon nganong ang mosunod maoy tilinguhaon: (1) usa ka malipayong espiritu, (2) regular nga pagtambong ug pagpakig-ambit sa mga tigom, (3) kaandam sa pagdawat ug pagtuman sa mga asaynment, (4) kooperasyon uban sa mga ansiyano ug sa mga kahikayan nga gihimo alang sa kongregasyon, (5) tiunay nga kaikag sa paghatag ug tabang ngadto sa uban, ug (6) regular nga pagpakig-ambit sa pag-alagad sa kanataran ug sa pagtaho nga walay langan sa matag bulan.
Awit 25 ug paniklop nga pag-ampo.