Mga Tigom sa Pag-alagad Alang sa Nobyembre
Semana sa Nobyembre 2-8
10 min: Lokal nga mga pahibalo. Piniling Mga Pahibalo gikan sa Atong Ministeryo sa Gingharian. Komentohi ang taho sa pag-alagad sa kanataran sa Agosto alang sa nasod ug sa lokal nga kongregasyon.
15 min: “Ang Tanan Kinahanglang ‘Mosagop sa Pulong nga Kinasingkasing’!” Pangutanag tubag. Ilakip ang dugang mga sugyot gikan sa Hunyo 1996 nga pasukip sa Atong Ministeryo sa Gingharian, parapo 21.
20 min: “Ako Gustog Usa ka Pagtuon sa Bibliya!” Panaghisgot sa mamiminaw nga dumalahon sa magtatan-aw sa pag-alagad. Isaysay kon sa unsang paagi kining linangkob nga paningkamot sa paghimog mga balikduaw maorganisar sa lokal nga paagi. Sa gilapdong posible, ang may kasinatiang mga magmamantala mahimong mokuyog sa mga bag-ohan. Sublia ang mga sugyot diha sa pasukip sa Abril 1998 nga Atong Ministeryo sa Gingharian, mga parapo 12-15. Ipasundayag sa takos nga magmamantala kon sa unsang paagi itanyag ang pagtuon diha sa usa ka balikduaw. Dasiga ang matag usa nga manlimbasog sa pagsugod ug usa ka bag-ong pagtuon.
Awit 35 ug paniklop nga pag-ampo.
Semana sa Nobyembre 9-15
13 min: Lokal nga mga pahibalo. Taho sa kuwenta.
15 min: Lokal nga mga panginahanglan. Usab tagda ang mga puntos diha sa “Pangutana.”
17 min: “Paglig-onay sa Usag Usa Pinaagig Pagkomento sa mga Tigom.” Pangutanag tubag. Isaysay kon sa unsang paagi ang pagkomento makaamot sa atong espirituwal nga pag-uswag. (Tan-awa ang Giya sa Tunghaan, tun-anan 38, parapo 4.) Dapita ang pipila sa pag-asoy kon sa unsang paagi ilang nabuntog ang pagpanuko sa paghimog mga komento ug kon sa unsang paagi sila gipanalanginan pinaagi sa pagpakig-ambit diha sa mga tigom.
Awit 51 ug paniklop nga pag-ampo.
Semana sa Nobyembre 16-22
5 min: Lokal nga mga pahibalo.
20 min: “Mga Magtatan-aw nga Nagapanguna—Ang Magtatan-aw sa Teokratikanhong Tunghaan sa Ministeryo.” Pakigpulong sa magtatan-aw sa tunghaan. Repasoha ang Giya sa Tunghaan, mga panid 10-12, mga parapo 6-12.
20 min: “1998-99 ‘Iya sa Diyos nga Dalan sa Kinabuhi’ Distritong mga Kombensiyon.” (Mga parapo 1-17) Pangutanag tubag. Basaha ang mga parapo 11 ug 12. Ipasiugda ang Kasulatanhong rason sa mainampingong pagmentinar sa atong maligdong Kristohanong panagway ug panggawi ug sa hustong pagdumala sa atong mga anak.
Awit 167 ug paniklop nga pag-ampo.
Semana sa Nobyembre 23-29
7 min: Lokal nga mga pahibalo. Iasoy ang mga kasinatian nga gipatik sa likod nga panid sa Agosto 8, 1998, Pagmata! bahin sa epekto nga nahimo sa Labing Bantogang Tawo nga libro diha sa mga tawo. Ang tanang magmamantala kinahanglang abtik sa pagtanyag niining libroha diha sa tukmang mga okasyon.
18 min: “1998-99 ‘Iya sa Diyos nga Dalan sa Kinabuhi’ Distritong mga Kombensiyon.” (Mga parapo 18-24) Pangutanag tubag. Basaha ang parapo 18 ug ang gisitar nga kasulatan. Ipasiugda ang panginahanglan sa kahapsay ug konsiderasyon alang sa uban, ilabina maylabot sa paglingkod. Taposa uban ang mubong pakigpulong nga magsubli sa “Mga Pahinumdom sa Kombensiyon.”
20 min: Mga Sugyot nga Magpalambo sa Imong Pagbasa sa Bibliya. Pakigpulong pinasukad sa Mayo 1, 1995, Bantayanang Torre, mga panid 16-17. Ipasiugda ang espirituwal nga mga benepisyo nga makuha gikan sa adlaw-adlaw nga pagbasa sa Bibliya. Repasoha ang mga sugyot nga gitanyag, ug isaysay kon unsaon pagpadapat niini. Ipaasoy sa duha o tulo ka magmamantala kon sa unsang paagi sila nakabenepisyo pinaagig makanunayong pagbasa sa Pulong sa Diyos.
Awit 46 ug paniklop nga pag-ampo.
Semana sa Nob. 30–Dis. 6
15 min: Lokal nga mga pahibalo. Pahinumdomi ang tanan sa pagtunol sa ilang mga taho sa pag-alagad sa kanataran. Dasiga ang bisan kinsa nga wala makasugod ug usa ka pagtuon sulod sa Nobyembre sa pagpadayon sa ilang mga paningkamot hangtod sa Disyembre, sa dihang ang Kahibalo nga libro igatanyag uban ang New World Translation. Ipasundayag sa takos nga magmamantala ang usa ka balikduaw ginamit ang kahon sa panid 19 diha sa Kahibalo nga libro; isaysay sa magmamantala kon sa unsang paagi ang libro magamit sa pagbaton ug pagsabot sa mga pagtulon-an sa Bibliya ug makasugod ug usa ka pagtuon.
15 min: Gamitag Maayo ang 1999 Calendar of Jehovah’s Witnesses. Pakigpulong. Repasoha ang mga bahin sa kalendaryo: (1) pintok nga mga ilustrasyon nga naghulagway sa hinungdanong mga hitabo ug mga pagtulon-an sa Bibliya, (2) senemanang eskedyul sa pagbasa sa Bibliya alang sa Teokratikanhong Tunghaan sa Ministeryo, (3) tinuig nga eskedyul sa pagbasa sa Bibliya alang sa semana una pa ang Memoryal, (4) pahibalo sa umaabot nga mga sinulat nga mga repaso, ug (5) mga pahinumdom sa pag-ambit nga regular sa buluhatong magasin. Hisgoti ang mga paagi sa paggamit sa walay sulat nga espasyo aron sa pagtagik sa eskedyul sa pag-alagad sa kanataran, sa pagsulat sa mga taho sa kanataran ug mga kasabotan sa pagduyog sa pagsangyaw, sa paglista sa mga asaynment sa tigom, sa pagnota sa mga pahinumdom sa mga duaw sa magtatan-aw sa sirkito ug umaabot nga mga asembliya. Ang pagpadayag sa kalendaryo diha sa makitang dapit sa balay o trabahoan mahimong mopatungha ug mga kahigayonan sa pagsugod ug Kasulatanhong mga panaghisgot. Iasoy ang kasinatian gikan sa 1998 Yearbook, panid 8.
15 min: Pakigpulong sa ansiyano sa artikulong “Seguroa nga Unahon ang mga Butang nga Angayng Unahon,” diha sa isyu sa Bantayanang Torre sa Septiyembre 1, 1998, mga panid 19-21. Ipadapat sa lokal ang gipunting nga mga puntos, nga magpasiugda sa mga butang nga kinahanglang unahon sa atong mga kinabuhi.
Awit 121 ug paniklop nga pag-ampo.